Uforama

Me er berre to veker inn i det nye året og eg har endelig fått ferdig to ufoar som har ligge og irritert meg i lang tid. Eg har nesten ikkje ord for kor godt det kjennes å kunne legge desse genserane vekk og finne fram noko nytt og spennande. Og kva har eg lært av dette? Jo, vere kritisk over prosjekt eg startar på og lese oppskriftar meir nøye. For i alle fall den brune genseren, sukk* den har vore med på å påverka ei strikketørke.
IMG_9597
Her er den fyrste genseren som eg har strikka til mannen min og eg skulle gjerne ha starta på ein enklare genser, men gjort er gjort. Det er Aran-mønstra genser som er henta ifrå KK strikk nr. 2 haust 2016. Garnet er frå gjestal og heiter Bambus Soft, ikkje eit garn som eignar seg til ein varm genser men meir som ein kvardagsgenser. Garnet er ganske glatt, og eg trur mønsteret hadde blitt finare i eit grovare ullgarn. Likevel så er eg ikkje flink til å bytte ut garn frå oppskriftar og brukar stort sett det som står. Eg har litt blanda kjensler til genseren, heilt ærlig, men nestegong skal han få ein meir tradisjonell ullgenser det er sikkert. Eg skal likevel vere stolt av meg sjølv at eg fullførte, ein personlig seier med ein såpass krevjande genser.
IMG_9592

Så til Sondregenseren. Dette var i utgangspunktet ikkje eit så stort prosjekt, handlar meir om manglande disiplin til å fullføre. Når eg tok for meg genseren så var eg ferdig på to kveldar så her kan eg ikkje skulde på nokon andre enn meg sjølv. Den er litt stygt sydd saman under armane og ikkje heilt feilfri, men akkurat nå er eg fornøgd. Den er strikka i størrelse 2 år, så blir ei stund til den blir bruka. Veldig morosamt mønster, ein fryd!
IMG_9602
Så då er eg i gang med ufo-strikkinga, endelig. Det som er det flauaste er kor kort tid det tek, nokre kveldar og vips så er det berre å sy i trådar. Eg er i alle fall utrulig nøgd med alt eg klarer å bli ferdig med og alt eg klarer å bruke opp av garn. Eg kjenner at eg blir meir inspirert og mindre frustrert når det er system. Nå må eg berre halde fram med uforama og ta ein og ein prosjektbag som ligg nede i boden. Der er det både gull og fiasko som har støva ned i lang tid.

Mine nyttårsforsett

Eit nytt år og ein ny start. Dette året blir nok endå eit flott år, kanskje ikkje så travelt som 2017 men minst like bra. I fjor hadde eg nokre strikkenyttårsforsett, men i år vil eg ha ei blanding sidan det er ikkje sikkert at det er strikking som blir høgst prioritert i året som kjem. Eg ser i alle fall fram til å sjå kva dette året vil bringe og vil gjerne ha bloggen med meg vidare.

Mine nyttårsforsett for 2018

– Bli strengare med sløsing. Dette handlar sjølvsagt om økonomi, for her kan eg skjerpe meg utan å lide for mykje. Eg ser at eg sløsar ein del, kjøper garn, magasiner, blomar, har høgt matbudsjett (kan kanskje redusere noko?), interiørnips og andre ting som eg strengt talt ikkje treng. Eg har lett for å la følelsane styre lommeboka og eg ser at små summar blir ein god del over tid. Nå må eg tenkje meir over kva me faktisk treng og har bruk for, tenkje over kva som blir «husfyll» og kva som er nyttig. Sparing blir framleis prioritert, men nå vil eg og spare til ting me kjem til å trenge.IMG_9520

– Rydde meg lykkelig. Eg ynskjer å ha gode system med tanke på ein travel kvardag. Eit godt system for klesvask, ein oversikt over garnet mitt og eit system over barneklede og utstyr. Eg vil bruke opp garn, strikke ferdig ting eg har byrja på og bli meir strukturert når det kjem til hobbyen min. Eg ynskjer ikkje at barneting skal overta heile huset, eg må ha gode oppbevaringsmoglegheiter og pakke vekk ting som ikkje blir bruka. Eg skal kvitte meg med ting, gi bort og hive det eg ikkje treng. Bruke opp matvarer regelmessig  både i frysaren og i tørrvarelageret. Planlegge middagar og ete opp restemat. Rydding gjev meg ein lykkekjensle, for då kjenner eg at kvardagen går som ein leik.
IMG_9524

– Ta ting som det kjem. Eg veit ikkje korleis den nye kvardagen blir med baby og rutinar, men eg tenkjer at det er viktig å ta ting som det kjem. Ikkje ha for høge krav til meg sjølv, sove når eg kan og bare nyte den fine tida. Økonomi og system er viktig for meg, men det viktigaste er familien vår akkurat nå, så då kjem alt ana i andre rekke.
IMG_9516
Kva er dine nyttårsforsett for 2018?

Mine 5 uferdige prosjekt

Det nye året og den siste tida utan barn så vil eg prøve å gjere ferdig nokre prosjekt som bare har ligge her. Prøve å sette i gang med ein ufo i månaden eller noko, innimellom litt ana slik at eg ikkje går lei. Eg har mange uferdige prosjekt og det er ikkje alle eg orkar å konsentrere meg om akkurat nå, eg får ta litt om gongen. Eg har bare lyst til å rydde opp, gjere ferdig og ha meir system i strikketøyet mitt. Eg har valt ut 5 uferdige prosjekt som eg skal konsentrere meg om dette året her.

1. Genseren til mannen min
IMG_9499
Denne genseren falt eg for i KK-strikk og det var vel i grunn eit spontant prosjekt. Eg har lagt den frå meg fleire gonger, vore lei og rekke opp fleire gonger. Endelig i haust felte eg av rundt halsen, men då mannen min skulle prøve den på så var den altfor vid. Så må rekke opp og felle meir, og hanke inn igjen dei maskene som lause under armen. Gjort på ein-to-tre tenkjer du kanskje, men då eg mangla garn så blei heile genseren gløymt. Dette er den fyrste ufoen eg skal ferdigstille i 2018. Denne må eg få ferdig.

2. SondregenserenIMG_9503.JPG
Denne genseren starta eg på for to eller tre år sidan og har blitt rekt opp ein gong fordi eg strikka armane på feil i mønsteret. Mens den andre gongen den blei rekt opp var på grunn av at eg strikka med for liten pinnestørrelse. Slik blir det når ein legg vekk prosjekt, då gløymer ein kva pinnar som blei bruka. Dette er eit overkommelig prosjekt og få ferdigstilt og særlig nå som me får ein gut som kan ha glede av genseren. Så denne genseren skal eg gjere ferdig på nyåret.

3. BladkransvottIMG_9506
Enda eit endelaust prosjekt. Dette hadde eg fyrst tenkt som gåve men nå har eg heilt lagt det frå meg. Eg falt så for mønsteret, men blei ikkje så fornøgd med resultatet derfor har det stoppa opp. Eg har tenkt at eg må tove votten og kanskje den ikkje blir så gale, men akkurat nå har eg lyst til å kaste den i søpla. Framtid er uvisst, eg har ikkje bestemt meg for å ferdigstille eller kvitte meg med prosjektet.

4. Langeland hals frå Tusindfryd
IMG_9509
Denne halsen er eit overkommelig prosjekt. Eg må bare finne oppskrifta og sette meg inn i mønsteret igjen. Det er litt plunder sjølvsagt, ellers hadde det ikkje blitt ein ufo i utgangspunktet. For det er ikkje det enklaste strikketøyet og sitte med på kveldstid for det krev godt ljos og konsentrasjon. Så eg skal ferdigstille det etter kvart og prioritere det når det er meir dagsljos.

5. Enkel cardigan frå Marthe Helgetun
IMG_9512
Denne cardiganen er så flott at den vil eg få til skikkeleg. Eg har ein ana strikkefasthet enn i oppskrifta, så eg må finne ut proposisjonane før eg feller av. Den er mykje større enn det den eigentlig skulle ha vore, men det gjer ingenting så lenge eg har garn. Denne skal og bli prioritert, for den er ikkje så vanskelig å få ferdig.

DIY: Eukalyptus-krans

20171203_143535Denne helga har gått verkeleg fort, føler at eg har gjort så mykje og samtidig vore så sosial. Ja, nokre helger blir slik. I dag har eg rydda og vaska igjen, og hatt middagsgjester, det synes eg er kjempe koselig. Men nå kjenner eg meg klar for avslapping resten av kvelden. I dag lagde eg meg ein superenkel krans og den pyntar så fint opp i heimen, dessutan så luktar den fantastisk. Den er fersk og fin nå, men eg synes at eukalyptus held seg bra når den har tørka og. Så eg håpar at eg kan la den henge ei stund for eg synes rett og slett at den er heilt herlig. Eg hadde eukalyptus i brudebuketten min og, og det var perfeksjon.
20171203_140437
Til kransen treng du ikkje meir enn det eg har på dette bilete, med mindre du vil ha litt meir pynt. Tjukk ståltråd, tynnare og litt mjuk ståltråd, hage-saks, klyppe-sak, tråd og den planten du vil bruke. Det er sikkert fleire måtar og binde ein krans på, men eg gjer det heilt enkelt, eg ser jo at dei som kan det gjer det finare enn meg men eg er fornøgd med asymmetri og at det ser «tilfeldig» ut.
20171203_142656
20171203_143453
Slik blei den! Viss du søker opp # eukalyptuskrans på Instagram så får du opp enda fleire variasjonar. Ha ein framleis fin 1.advent.

One more chance to be inspired

Det nærmar seg jol, det er ei fin høgtid som både vekker mykje sorg og glede. Ein minnas dei som ein har mista og kjenner på saknet av dei. Og så gler ein seg over alle dei gode menneska ein har rundt seg, for dei må ein ikkje gløyme. Det blir litt ekstra med kjensler i høgtida, og det er viktig å ta seg tid til å kjenne på.
20171125_103108
20171126_085440.jpg
Eg har starta så smått på jolevask og pyntinga. Eg brukar mange produkt frå C Heyerdahl, og det er mykje på grunn av at det luktar så reint. Eg er så nøgd med desse såpene, og kjøper dei på min lokale gardsbutikk «Siloen».
Det blir enkelt her i år, ljos i glasi og etter kvart nokre nissar, men eg har ikkje nok til å pynte eit heilt hus. Synes det er heilt greitt og ha det litt enkelt. Eg tenkjer at eg har lyst til å lage kransar til å henge ute, men spørs om at det endar med at eg kjøper.
20171126_145451
Eg gjer alt eg kan for å redusere stresset, for denne joli kjenner eg bare at det ikkje går. Bare tanken på alt som skjer i desember gjer at eg gruar meg, eg må bare akseptere at eg kan ikkje vere med på alt. Det er viktig å lytte til seg sjølv og eigne grenser, uansett om ein er gravid eller ei. Det har lett for å bli for mykje og advent skal vere ei hyggelig ventetid. Så eg hentar meg inn der eg kan, kosar meg der eg kan og senkar skuldrane. Eg skal gjere ting som gjev meg energi, slik som her om dagen, då eg og venninna mi lagde Sarah Bernhardt (link for oppskrift). Det er slike ting eg gjerne vil ha tid til, også droppar eg kjøpesenter-stresset og det synes eg er ein fin ting.
20171127_180438

Litt strikke-relatert slik på tampen. Her er buksa som eg strikkar på. Snøløvbukse trur eg den heiter. Eg strikkar den i mini sterk, eit nydelig silkemjukt og tynt garn. Heilt herlig frå fødsel til våren tenkjer eg. Så koselig og strikke så smått, eg nyter det berre. 20171125_154058.jpg
Ein liten sjavfie, nå er eg i 2. trimester og føler at tida går så fort. Eg er så stolt av at det endelig byrjar å synes og det er fint synes eg. Eg kjenner masse spark og full aktivitet der inne så det er veldig koselig.

Garnkjøp i vinterland

I dag har eg vore innom min lokale garn- og interiørbutikk. Den er sesongstengt mellom jol og påske så nå gjeld det og fylle opp i garnlageret sitt. Eg held på med hemmelig jolegåvestrikk så derfor kan eg ikkje vise fram ferdige prosjekt heilt enda. Så då får eg vise fram mitt nye garnkjøp.
23768695_10154847523790836_1440204733_o
Eg kjøpte nokre nøster mini sterk frå Du store alpakka. Dette skal bli to ullbukser med selar og snøløvmønster. Det er nokså kjappstrikka så då tenkte eg ein bukse i nyfødt størrelse og ein som passar til hausten. Grønfargen synes eg var heilt utrulig fin, og håpar den kjem godt fram på bilete. Dei søte skoa bruka min mann då han var liten, og eg synes det er kjempefint og ta vare på slike koselige ting.

23798047_10154847523780836_1092101404_o.jpg

Eg synes det er så koselig og endelig ha ork og motivasjon til å strikke igjen, kjenner at det gjer noko med meg. Nå er strikkemotivasjonen her som aldri før, og eg ser fram til å gjere ferdig nokre prosjekt og starte på nye prosjekt til barnet som kjem. Eg skal oppdatere når eg har kome igang, for desse er det ingenting hemmelig med.

Bryllaupet og tida etter

Ingrid og John Gunnar49.JPG
Hei. Nå kan ein for lengst sei at kveitebrødsdagane er forbi og kvardagen har innhenta oss. Eg skal innrømme at det var deilig og byrje på jobb igjen etter bryllaupet, leve i huset vårt – og berre vera oss to saman med dei firbeinte. Det er virkelig koselig med bryllaup og førebuingar, men eg er nok aller mest glad i kvardagen som ektepar. Der det blir diskutert kven sin tur det er til å vaske golvet eller der eg sender sms om han kan kjøpe med brød og mjølk. Slik er det nok for dei fleste, romantikken er der framleis men i kvardagen må ein samarbeide og finne løysningar som passar for begge.

Me rakk ikkje å lande heilt etter bryllaupet, for dagar etter fant me ut at me venta vårt fyrste barn. Den hyggeligaste nyheiten me kunne få, men og eit lite sjokk. Til våren kjem det ein gut på garden og me ser fram til å bli kjent med han. Me skal kose oss i denne fine ventetida, lese litt babybøkar, gjere klart eit babyrom og sjølvsagt strikke babyklede.
Eg veit ikkje heilt kor mykje varme plagg eg treng til ein vårbaby, men må prøve og planegge fram mot neste haust og tenkte eg. Det vil nok bli mange strikkeoppdateringar framover, og kanskje litt ana.

Ingrid og John Gunnar8.JPG
Ha ei fin helg!

Ny strikkebok

Strikkelysten har ikkje vore til stades på fleire månadar, eg har rett og slett ikkje hatt særlig overskot til det. Eg har kjøpt garn, lagt opp og rekt opp igjen før eg har fått strikka fyrste omgang. Gnisten har nok berre ikkje vore til stades, og eg har sjølvsagt sakna strikkegleda. Men eg merkar at nå, endelig etter så mange månadar så må eg strikke igjen, det kriblar i fingrane og det kjennes så godt. Eg har kjøpt meg ny og fin strikkebok; «Strikk meg» av @knitsandpieces på Instagram.
20171028_124951.jpg
Eg har jo veldig mange strikkebøkar nå men eg blei så positivt overraska over at denne var så grundig og ryddige oppskriftar. Dette er ei bok med høg kvalitet, den er veldig ordentlig og nøye. Den er utrulig stor og tjukk og heilt fantastisk gjennomført og fin. Det er ei slik type strikkebok som ein får lykkekjensle av. Så herlig! Nokre av oppskriftene har eg frå før, men eg er meir glad i og bla i ei bok enn mange lause ark.
Eg har lyst til å strikke det aller meste, det klør i fingrane til å produsere nokre plagg.
20171029_115754
Eg kjøpte og litt garn til den vakre Snøløvgenseren, det måtte bli sterk frå du store alpakka. Dette blir fint altså, oker er ein heilt fantastisk farge samtidig som den er kjønnsnøytral. Det er herlig når ein kjenner seg motivert for eit nytt strikkeprosjekt. Nå skal eg halde koken framover.

Roterommet

Heilt sidan me flytta inn i huset så har me hatt eit «roterom». Der alt som ikkje har hatt ein fast plass har blitt lagt. Her lagrar me bøkar, hobbysaker og alt mogleg ana rot. Eg har irritert meg over dette rommet i lang tid nå, og eg føler at dette rommet påverkar resten av huset. Etter nokre episodar med «norske rotehjem» fant eg ut at eg måtte ta tak i dette rommet, for eg orkar ikkje å ha det slik.22768335_10154783270165836_1573167735_o.jpg
22752063_10154783269940836_337719315_n.jpg
Slik såg det ut då eg starta med å tømme rommet. Eg må legge til at dette er midlertidig oppbevaring, for mesteparten av dette skal opp på loftet (bortsett frå garnet og hobbytinga mine). Men foreløpig er loftet fullt av barneklede frå 80-talet så der skal svigermor vere med på dugnad, men det tek me til våren eller sommaren. Ein ting om gongen, nå skal bruksarealet fyrst koma i orden. Eg har framleis ting som eg ikkje veit kva eg skal gjere med. Gamle bilete frå ungdomsskulen til dømes, det er jo morosamt og ha, men korleis organisere det best mogleg? Det får eg tenke litt på.
22711152_10154783269945836_1478481697_n
Slik skulle eg gjerne hatt det, men tinga må sorteras og ryddas i fyrst.
22751940_10154783270100836_2003717146_n
Slik blei resultatet etter fleire timars arbeid, så godt og få sett gjennom alt og sortert John Gunnar sine ting og mine ting frå kvarandre. Nå har eg askar som eg skal ta med til bruktbutikken, posar med sommarklede og klede som eg skal legge i Fretex container.
Det er ikkje sikkert at ryddeguruen Marie Kondo hadde blitt imponert, for ho er nok litt streng. Men eg er sikker på at Synnøve Skarbø hadde blitt litt imponert over prosessmålet. For nå er eg eit steg nærare oversikt og orden, sjølv om det framleis er ein lang veg og gå. Neste rom som eg må ta for meg er kontoret mitt, men der må eg ha ein skikkelig plan før eg startar. For der blir det forandring!

Hageprat

20170719_104936.jpgNå er det tid for litt hageprat igjen, for nå er det ei stund sidan seist. I fjor la eg tulipanlauk i jorda før frosten kom, og i vår venta eg spent. Det var vel på den tida me måla huset, i mai trur eg. Då såg eg nokre grøne blader med ein liten knopp. Eg venta spent og tålmodig, like før tulipanen var i ferd med å blomstre så såg eg at eit dyr hadde ete heile blomsten.. Eg blei så skuffa, og mistanken gjekk fort til Simba. Nå i ettertid er eg ikkje så sikkert på at det var Simba som åt dei opp, eg mistenker rådyra. Slik kan det gå.
20160917_131021
Det er slik det er med hagen, ein puttar noko i jorda, bygger opp spenninga og håpar at det veks seg fint og frodig. Og viss det går bra så blir ein heilt i ekstase og går det dårlig vil ein berre gløyme heile nederlaget. Hage altså, at det kan vere så moro og så engasjerande! 20170718_095216.jpg20170718_094122.jpg
Bak dei søte dyra er den fine rosebusken. Den byrja å blomstre tre dagar før bryllaupet, eg blei såg glad då eg oppdaga det. 20170718_101725.jpg
20170718_094738
Rosebusk eller ei, nokon må jobbe i slåtten og. Flinke arbeidskarar.
20170718_100529.jpg
Eg har fleire planer for hagen i åra som kjem, dette året har eg mest luka og haldt ugras vekk. Eg har planta ein bærbusk og har fått eit steinbedd som eg skal planlegge. Høgt på ynskjelista stend eit drivhus, men me får sjå. Hengekøye er og høgt prioritert, men det er til avslapping. Eg blir så inspirert av hageblader og særlig Hagen min på NRK. Det er så mykje fint folk får til, uansett klima. Ein får til det ein vil.