Eg treng fargar

Når livet ikkje viser seg frå si beste side så er det fint med trøystegarn, og då var Madevik Yarns eit godt val. Eg blei berre så lei av mørke fargar, inkludert genseren til sambuaren min. Når eg i tillegg strikka feil igjen og må rekke opp igjen så trur eg det er lurt med ei pause frå genseren. Det er uansett godt og ha litt å bytte på.

Og akkurat nå er det glade fargar som freistar aller mest. Karin bak Madevik Yarns er flink til å farge garn, så lekkert med eigefarga hesper. Det er mange som snakkar om å håndfarge garn i diverse podkastar og det er heilt klart populært for tida. Eg kunne sjølvsagt tenkt meg og lært det sjølv, men då vil eg bli kursa i det fyrst. Utrulig spennande med fargar!

IMG_9277.JPG

Garnet bestend at 80% Merinoull og 20% Nylon, så det passar til mykje. Eg tenkjer det eine hespe blir nok eit sokkepar og det andre blir sjal. Eg elskar fargane og synes varm gul inntil rosa er så friskt og fint. Det er fyrste gongen eg handlar garn som er handfarga og synes at det er ein ganske kul greie.
IMG_9271.JPG

Vlog favorittar

I går måla eg peisen i det nye huset med kalkmåling, moro og måle på kryss og tvers men litt nervepirrande og. Det er liksom ikkje eit tema eingong og måle peisen igjen, det får berre bli bra på fyrste forsøk. Eg er utrulig spent på korleis den røffe peisen blir inntil eit klassisk kjøken og ei luftig stoge. Når me har kome lengre med huset så skal eg vise det meir fram, men det er ikkje så spennande med isolasjon og verktøy. Eg fram mot ljosare tider og framgangen med huset.
16736139_10154109035370836_436703775_n.jpg
Nå vil eg skrive litt om vlog, om strikke-vlog som er populært for tida. Eg byrja å kikke på vlog i joleferien min og har fått heilt dilla på dette. Tidligare har eg berre bruka youtube for å sjå framgangsmåtar på ulike strikketeknikkar, men nå har det jo kome noko enda meir spennande for dei som er slik som meg, strikke-tullerusk. Strikke-vlog er jo så moro, eg likar desse berre så godt. Då kan ein ta fram strikketøyet, og sjå ei episode når det passar, det er så koselig. Det finnes mange fleire enn dei eg nemner, men det er jo ein start så kan ein leite seg fram i eit hav av fine podkastar. Det er nok mykje bra som eg ikkje veit om enda, har du nokre tips så skriv det i kommentarfeltet.
IMG_9262.JPG

Mine vlog favorittar

strikkk
Strikketerapi
https://www.youtube.com/channel/UCVdgDjwEoP2yJHpNLGENc9Q
Kristin driv bloggen einkopptetakk og den populære instagram-kontoen med sama namn. Ho er kjempesjarmerande og inspirerande og eig eit hav av sjøgrønt garn. Episodane hennar er innhaldsrike og varierte og det beste av alt; ho snakkar norsk i episodane og derfor blir det naturleg og personleg. Kvar gong eg ser ei episode så vil eg berre starte på eit nytt prosjekt og handle eksklusivt og mjukt garn. Dette er min absolutte favoritt podkastar. Ein får lyst på alt ho viser fram, godt at ho har garnstopp i ny og ne. 🙂

Koselig-bilde-av-Thea-og-Mette-rektangulært-e1469976169711.jpg
Topinner.no https://www.youtube.com/channel/UCN8UctAalR4TjAC05Tbdong
Thea og Mette er to kjempeflinke podkasterar som visar fram teknikkar, intervjuar strikkedesignerar og har innhaldsrike videoar. Eg likar desse damene kjempe godt, og er sjølvsagt glad for at dei snakkar norsk. Ein merkar godt kor genuint glad i strikking dei er og engasjementet smittar over. Desse går meir grundig inn i emne som dei har om, og derfor lærer ein mykje i kvar episode. Den siste episoden eg såg så lærte eg ein ny fin måte og felle til raglan og det er ein teknikk som eg kjem til å lære meg.

vl.png
Thelittletailoress https://www.youtube.com/channel/UCU-ncF_kQ52d9JBGBLky0Bg
Her kjem ein vlog som eg nylig kom over som eg likar kjempe godt. Ami er engelsktalande og bur i landlige omgivnadar i UK. Ho har ein romantisk og dus stil som eg likar godt og ho er sprudlande og energisk. Ho deler ei episode inn i emne, fyrste del er om strikking og andre del er om sying noko som gjer det ryddig og oversiktelig. Eg blir så inspirert av dei enkle fine sy-prosjekta hennar, det klør etter å investere i ei symaskin og melde meg på sykurs. Eg har så lyst til å lære meg å sy. Eg likar godt at ho har ein gjennomført stil og legg ut videoar jamleg.
madevik.png
Madevik Podkast https://www.youtube.com/channel/UCIxTCVOVpF3VMQvrYHAXCIw
Karin er svensk, bur i Norge og snakkar engelsk i podkastane sine. Ho har ikkje lagt ut så mange episodar endå, men dei som ligg ute likar eg godt. Det som eg synes er spennande er at ho handfargar garn og ho sel så mykje fint på etsy. Eg trur eg må bestiller nokre hesper fordi ljose glade fargar er det eg har lyst på akkurat nå. Eg likar Karin kjempe godt og synes at ho har gode og inspirerande episodar. Det er spennande og følgje med!

Det var alt eg hadde, eg håpar at eg kan finne enda fleire flinke podkastar som eg kan følgje. Ein blir så inspirert og glad for at folk deler erfaring og kunnskap.

Sidan sist

IMG_9177.JPGEin liten strikkeoppdatering synes eg er på sin plass. Me har kome godt i gang med det nye året og då er det greitt å sjå litt korleis starten har vore.

Mine strikkemål for 2017 er…

.. Skrive strikkedagbok, dokumentere kva eg har fullført.

Det går som ein leik, dokumenterer i ei strikkedagbok og på Ravelry kva eg planlegg, held på med og kva som er ferdig. Det gjer at det blir motiverande og fullføre prosjekt.

.. Strikke meir til min framtidige mann.♥

I do! Eg held på med ein genser til han og reiknar med å bli ferdig om nokre veker. Eg er så spent om han faktisk kjem til å bruke genseren.

.. Bli meir spenstig når det gjeld fargeval, tørre å prøve andre kombinasjonar.

Eg har nok blitt tøffare når eg vel ut fargar, eg utforskar meir og ser på ulike fargekombinasjonar. Eg har fått fleire nye favorittfargar, sjølv om eg nok alltid kjem til å vere svak for lyseblå og mint.

Ein liten oppdatering om kva eg har strikka på i det nye året. Ein kombinasjon av småstrikk og nokre støre prosjekt.
IMG_9182.JPGTo sett med hjertevottar har vore ferdig ei stund, men eg ville ikkje blogge om det før min søte veslesyster fekk paret sitt i posten. Eg er veldig fornøgd med hjertevottane som eg har strikka, dei tova seg fint i maskina og hjertemønsteret blei bra. Ein strikkar eit par på nokre kveldar.
IMG_9237.JPG70-talsjakka er endeig ferdig, etter å ha vore ein ufo sidan i sommar. Fekk rettleiing og hjelp på mamma med knappestolpen, for min blei så stygg.
IMG_9224.JPG
IMG_9234.JPG
Det finaste Løvlisjalet. Eg er så utrulig glad i dette varme sjalet, det er så vakkert. Mitt blei ikkje så stort, men det dekker godt over skulrane.
IMG_9185.JPGPascal og Simba lurar fælt på kva som hender her. Nyfikne gutar.

Sjaldilla

img_9167
Hei! Eg hadde skrive eit innlegg om sjal, men nå ser det ut som om at eg skreiv blei borte. Eg får skrive det viktigaste. Akkurat nå har eg sjaldilla, det er mykje på grunn av strikketerapi sin youtube episode som handlar om sjal. For sjal finnes i uendelige variasjonar og er eit lekkert og feminint plagg. img_9172
Eg strikkar på mitt fyrste sjal, nemlig det populære Løvlisjalet av _strikkelisa_ på Instagram. Ein enkel og god oppskrift og ein lekker bladkant til slutt, det kan ikkje bli ana enn bra. Eg valte meg ut Kaunigarn til dette føremålet, eit skikkelig ullete garn i burgunderraudt og beige med litt rosa. Ein spennande garnmix, men eg skal halde fram med å leike meg meir med fargar. img_9170
Eg får ut å kose meg i litt i soli, ha ein fin sundag!

 

 

 

Lykke

IMG_9085.JPGNå er eg på garn-kjøret igjen, eg skulle prøve å halde meg vekk i frå nytt freistande garn men det gjekk ikkje heilt som det skulle. Ein liten kikk på lykkelighandel,no var det som skulle til for å bli freista til å handle nytt og herlig garn.

IMG_9078.JPG
Mitt beste kaup er Tusinfryds engleuld som eg gledar meg til å starte på, for eit herlig og luksuriøst garn. Grønfargen er og berre heilt herlig, dette skal bli egostrikk heilt klart.
Eg synes det er så mange fine sjal og halsar på Ravlery, det er mykje som er på strikkelista mi no.
IMG_9096.JPG
Eg kjøpte og bladet garn som har blitt mykje omtala, det sjalet som er på framsida. Åhh.. Så utrulig fint! Eg blir så freista, nydelig rett og slett.
Heilt til slutt må eg sei, at eg er heilt overbevist at ein kan kaupe lykke, i alle fall når ein kjøper noko som er ganske luksuriøst og fint.

 

Ein grøn start

Den fyrste veka i året er straks over, og eg har synes det har vore godt og kome i gang med jobb, trening og kvardagen. Ferie er herlig det og, men strukturen sklir litt ut og det blir litt mykje av alt, så eg blir litt lei.. Ein ny start var det eg trong, for nå må eg bare bli flinkare til å trene, for eg likar det jo når eg fyrst har kome i gang. Då blir sofaen og strikketøyet sett stor pris på etter ei real økt.

Eg treng og lange morgonar, der eg kan strikke, smårydde, høyre på musikk, blogge, skrive lister og drikke kaffi. Om eg har fri eller skal på jobb så treng eg slike morgonar, slike stunder gjer meg inspirert. Då gløymer eg kaoset rundt meg, for ei lita stund. For det blir jo kaos av husbygging, bryllaup og alt ana som ein skal rekke over.
img_9071
Joli er rydda ut og det einaste som stend att er to jolestjerner som ser ut til å trivast godt – så dei skal få stå. Det er så fint å fylle heimen med lettstelte grøne planter, som passar godt til det grøne strikketøyet. Nytrakta kaffi og yoghurtnøttar er ein fantastisk kombinasjon, noko eg rett og slett ikkje kan leva utan.
IMG_9074.JPG
Ha ein framleis fin helg!

Organisering: Garn

Eg har eit stort ynskje om å organisere garn som i ein garnbutikk, både praktisk og dekorativt. Tenk så morosamt og hatt ein «garnbutikk» heime, å bli inspirert og ha masse flott garn lett tilgjengelig. Det har eg dessverre ikkje hatt plass til enda, så derfor blir garnet mitt lagra i skuffar, korger, kasser og i stort sett alt eg har av oppbevaringsmoglegheiter. Eg mistar fort oversikt, det er garn her som eg har hatt i mange år og mykje nytt. Eg tek ein ryddesjau ein gong i blant, eg har eit hav av påbyrja nøste, i alle slags kvalitetar, litt av alt. Når det blir slik, så blir det nesten for mykje av det gode, eg synes det er vanskelig både med orden og oversikt med slike mengder.

DSC_2773 (2)

Derfor vil eg skrive ein ryddeguide, med tips og råd ein kan nytte seg av. Viss du har fleire gode tips så skriv det gjerne i ein kommentar.

– Etter å ha lest boka til Maria Kondo er det ein ting eg har lært; kvitt deg med det du ikkje treng. Sjølv om ein har planer om å strikke lappeteppe eller hønsestrikk så er det ikkje det du gidder å gjere mest av. Gje burt garn til for eksempel barnehage eller skulefritidsordning, då kan du ha god samvit for at det kjem til nytte hjå nokon andre.

– Legg inn garnet ditt på Ravelry. Det har tatt litt tid før eg har forstått kor genial denne kjente strikke- og heklenettsida er! Ein kan lagre pågåande prosjekt, kva garn ein har og legge inn fullførte prosjekt. Eg synes det er ein genial og enkel måte og til ein kvar tid ha full oversikt over garnlageret. Då finn ein og forslag på kva ein kan bruke garnet på. Dette er jo genialt og litt sært på sama tid. Ein personleg garn-database!

0976e6466592caaa962c67dca4500b88.jpg
Bilete frå pinterest. https://no.pinterest.com/pin/509399407835886972/

– Organsiser garnet etter kvalitet. Samle alt sokkegarnet ein stad, alt babygarnet og finullgarnet. Merk det godt og spar på magebanda slik at du lett finn det att.

– Kjøp dekorative korger og kasser, det er så koselig å ha nytt garn framme og tilgjengelig. Eg synes det finaste er å ta dei sama fargenyansar saman i ei kasse eller korg.

– Det garnet som du vel å behalde må du ha ein plan med. Skriv opp ei liste over kva du vil bruke restgarnet ditt på. Ver realistisk og ta minst eit prosjekt i månaden som du tek frå lageret ditt.

– Pågåande prosjekt er fint å ha i prosjektbaggar, då har du alt du treng til det prosjektet samla på ein stad. Då er det lett å ta det opp igjen viss andre ting har kome før i strikkekøen, som det oftast gjer.

strikk.png
Og når ein har vore flink til å fullført prosjekt, har god oversikt over kva ein har av babyull, sokkegarn også vidare. Då meiner eg at ein kan kjøpe seg nytt og flott garn som ein kan glede seg over. Det er ein evig runddans, men å lage seg eit system trur eg er veldig lurt når ein er litt slik.. Garn-tullerusk.

Strikkeåret 2016

Akk ja, endå eit strikkeår er forbi. Dette året har eg spart på alle magebanda frå garnnøste eg har byrja på. Eg mistenker at eg manglar nokre mageband frå yndlingskufta, men det gjev ein peikepinn på kor mykje eg har strikka dette året her. Eg telte opp 52 mageband og det seier eg meg nøgd med. Hurra for strikkegalskap!
IMG_9009.JPG
Eit strikkeår går fort, så fort at det ikkje er alt eg får vist fram på bloggen. Eg har alltid fleire prosjekt på gang, og gjerne fleire små prosjekt innimellom dei store kufteprosjekta. Slik held eg på, og fullfører mange fleire småprosjekt enn dei litt større og vanskeligare. Så derfor gjekk eg gjennom strikkehaugen min for å sjå om det var noko eg kunne vise fram, og det var det sjølvsagt! Så her kjem strikkeprosjekt som passar når ein må ha noko som passar inntil ein spennande film eller serie.
IMG_9014.JPG
Her har eg strikka ein shorts med strikk i livet og fin knyting, frå klompelompe. Eit artig strikkeprosjekt som gjekk fort. To sokkepar i ulik størrelse som eg strikkar for å få til hæl, det er jo ein kunst og få til vil eg sei.
IMG_9018.JPG
Dette er ei jakke frå Sandnes garn som er strikka i garnet Line. Det kjennes så deilig ut, så finn eg ein fin oppskrift så må eg nok strikke til meg sjølv og. Fantastisk garn. IMG_9021.JPG
Dette lilla Line garnet vant eg på Instagram og det blei ein kjole/tunika. Oppskrift frå Marte Helgetun.IMG_9026.JPG
Dette er eit restegarnprosjekt berre for å kvitte meg med litt garn. Strikka av babyull.
IMG_9028.JPG
Det var dei småprosjekta. Veldig greitt med variasjon når ein strikkar såpass mykje. Her kjem nokre av dei store prosjekta som eg har fullført.
IMG_8697 Denne kufta er min store stoltheit og det vanskeligaste eg nokon gong har strikka. Eg er så glad i denne kufta, og har bruka den mykje.
IMG_8696
Denne genseren er eg også sjukt nøgd med. Vakkert mønster.

Mammas bladrillejakke ligg klar for montering, har ikkje fått tatt bilete av den enda.
Eg har og to sommartoppar som er uferdige, ein i lille lerke og ein i summerwool, dei tek eg fram tidlig på våren.

Mine strikkemål for 2017 er…

.. Skrive strikkedagbok, dokumentere kva eg har fullført.

.. Strikke meir til min framtidige mann.♥

.. Bli meir spenstig når det gjeld fargeval, tørre å prøve andre kombinasjonar.

Tusen takk for eit flott år, eg held fram med bloggen så lenge eg kjenner meg kreativ og har skapartrong. Handarbeid gjev meg så mykje glede i ein hektisk kvardag. Me sjåast i 2017.

Strikka jolegåver

Det blir litt av det kvart einaste år, nokre mjuke pakker under treet til heldige utvalte. Eg tenkjer kvart år at eg skal byrje med strikkegåvene like etter jol, men då er eg mest lysta på ego-strikk. Det er utrulig koselig å strikke noko som mottakaren blir glad for, det er lurt når ein skal gje bort at ein passar på å strikke kvaliteter som tåler litt vask.

15801454_10153984854995836_79282230_n.jpg
Mary-genseren strikka eg i fjor, eg byrja på den omtrent rundt 1.desember og blei ferdig med den til jol. Garnet er Pus av Du store alpakka, eit herlig mjukt, tjukt garn som eg likar godt. Denne fekk veslesyster og eg blir så glad når ho fortel at ho brukar den masse, eg har så lyst til å strikke ein Mary-genser til meg sjølv ein vakker dag. Eg elskar mønsteret!

IMG_8805 (2).JPG
Lilly-hals og perslestrikk-pannebandet strikka eg til snille svigermor. Oppskrift til halsen finn ein i den siste klompelompe boka, og garnet er sjølvsagt merinoull. Merinoull er ikkje så varmt som ull, det har ein ana eigenskap, det er kløfritt og ein kan vaske det. Det er fint å strikke barneklede og småplagg av, men ein må aldri finne på å strikke vottar av garnet. Det gjorde eg, dei vottane blei våte og kalde på eit blunk, det var skuffande vottestrikk.
IMG_8820.JPG
Fint å feste ein liten vaskelapp til strikketøyet synes eg, lurar på om det går å kjøpe desse ferdig laga. Det hadde vore så kult. IMG_8827.JPGKoselig med personlege klistremerke, «jol jol» blei litt feil berre.
IMG_8958.JPG
Heimestrikka sokkar trur eg at vil bli storproduksjon av til neste år, me får sjå om eg får det til slik bestemor gjer. Eit langsiktig mål i livet er å bli ein ræser på sokkestrikk.
IMG_8997.JPG
Her har eg strikka Andrine-sommerkjole og knytelua, eit kjempe snålt sett som eg blei veldig nøgd med. Det var ei lita jente som heiter Natalie som fekk, som eg håpar vil falle i smak. Moro og gje bort strikka gåver, må nok seta meg ned å planlegge neste jol.IMG_9005.JPG
Ha ein framleis god jol!

Meir jol

Litt meir jol, berre litt til..
Jolestemninga snik seg innpå, det er ikkje så mykje eg rekk, men det eg rekk gjev jolestemning. Eg har pynta litt meir no, eg har fått nokre koselige jolekort i posten og det byrjar å roe seg på shoppingfronten. Eg har framleis litt eg må gjera før jolefreden senkar seg og då skal eg vere glad. Det blir rart å tenkje at neste gong eg pyntar til jol, så pyntar eg i mitt nye flotte, gardshus! Så bra det blir, men inntil vidare får det halde med å ordne jol i det vesle koselige huset. IMG_8947.JPG
Å bake peparkaker er obligatorisk, og så koselig! Inviterte min gode venn og for alltid nabo Line til peparkakebaking og gløgg. Slikt blir det gode samtaler av, noko som er eit herlig avbrekk frå stress og mas. IMG_8991.JPGIMG_8989.JPG

IMG_8950.JPG
Strikkinga er heller ikkje lagt på hylla, men eg held på med for mange prosjekt akkurat no. Så det spørs nok om eg må ta eit røsk på nyåret, for slikt blir det kaos av. Alle strikkepinnane mine ligg i UFO’ar. korleis vil dette ende? IMG_8964.JPG

Pascal lev det gode liv med latter, papir og song. Han elskar lyden av papir og vil gjerne ta del i innpakninga. Ha ei framleis god førjolstid!