Nytt strikketøy

Hei!
Nå har eg endelig komme igang med eit nytt etterlengta prosjekt. Den siste tida har eg bare heldt på med kortvarige og garn-slankande strikkeprosjekt. Eg har vore litt flink, men kjente at strikkelysta meldte seg når hausten kom. IMG_0343

Eg har lagt opp til eit babysett til vesle guten min. Synes den jadegrønne fargen er så fin! Oppskrifta heiter Henrik babysett og er ifrå Dale Garn. Eg strikkar i størrelse 1 år og det er tenkt til barnehagestart, som eit tynt og godt ullsett utover våren. Eg skal legge ut igjen når eg har kome litt lengre.
IMG_0352.JPGIMG_0341.JPG
Bilderesultat for henrik babysett
( Bildete lånt frå Dale garn)

Eg skal prøve å kikke innom litt oftare, synes det er koselig å blogge men føler at tida berre flyg!

Organisering: Strikkepinnar

Eg er alltid på utkikk etter praktisk oppbevaring for hobbysakene mine, mykje blir lagra i gjennomsiktige plastboksar eller prosjektbager. Men når ein skal halde det vedlike så er ein nødt til å rydde i det regelmessig, for rot blir det uansett. Denne gongen vil eg vise fram korleis eg held orden i strikkepinnane mine, dette er eit heilt greitt system fram til eg finn noko betre.
20180407_104955.jpg
20180407_113301.jpg
Settpinnar / strømpepinnar. Her har eg berre samla sett på fem pinnar i kvar gummistrikk. Brukar ein Anton Berg – boks og må leite fram det eg skal ha. Eg ynskjer meg enten eit mappesystem med lommer eller ein boks med inndeling, ser for meg at det er mykje meir praktisk og lettvint.
20180407_113650.jpgRundpinnar. Her brukar eg Namaste-organsierar som er brukarvennlig og fin. Desse finnes i ulike størrelsar og fargar. Det som er negativt er at ein ikkje får plass til tjukke strikkepinnar og at lommene er opne under slik at rundpinnane nokre gonger dett ut.
20180407_113710

Hadde eg hatt masse plass på hobbyrommet/babyrommet mitt så skulle eg laga eit system som dette. Både estetisk vakkert og praktisk, dette såg ut som ein skikkelig arbeidsbenk. Viss du vil sjekke ut steg for steg er linken her. Virkelig imponerande, dette må vere det alle strikkerar ynskjer seg.
circularneedlerack.jpg

Om ein vil vere ekstra organisert. Då kan ein registrere det ein har i ravlery.com. Dette er meir tidkrevjande, men viss ein er flink til å bruke strikke- og heklesamfunnet så er det genialt. Då kan ein legge inn størrelse og kva ein har av settpinnar og rundpinnar og halde oversikt slik. Når ein startar på eit nytt prosjekt så kan ein legge inn kva for strikkepinnar ein brukar og då veit ein kva som er ledig. Det er veldig nerdete, men utrulig praktisk og greit!

Korleis oppbevarar du strikkepinnane dine?

Påskestrikk

IMG_9898.JPGHei og god påske.
Sjølv om eg er i permisjon så får eg litt feriekjensle, for påske er den aller beste høgtida synes eg. Ein slepp unna gåve-stress og kjøpesenter, og får masse krim og fine dagar ute. Planen for påska er i alle fall og gå på trilleturar og nyte familielivet, og gjere alt for å unngå stress og mas. IMG_9901.JPG

Dagane går sjølvsagt helst til baby-relaterte ting, men mellom slaga får eg tid til å strikke litt. Nå har eg lagt opp til eit stort og fint sjal som heiter Line Break Shawl (søk det opp på ravlery). Fyrst tenkte eg at oppskrift på engelsk blei for vanskelig for meg, men så etter å ha sett litt nærare på oppskrifta fant eg ut at det var overkommelig. Det er i alle fall overkommelig for meg som er i ammetåka så då er det håp for dei fleste. Garnet synes eg er heilt nydelig og garnbyttene ser ut til at det glir i kvarandre, eg er så fornøgd med dette prosjektet. Eg ser så fram til å få eit fargerikt og stort sjal. Meir oppdatering kjem seinare.

IMG_9924.JPG
IMG_9926IMG_9927

Vår i lufta

Nå som våren er her for fullt så har eg ikkje lyst til å strikke krevjande og tunge plagg. Nå vil eg halde på med friske fargar og lette kvalitetar. Eg visste med eingong kva garn eg ville strikke med – nemlig Madevik Yarns som eg har kjøpt på Etsy. Håndfarga garn synes eg er heilt herlig, det er meir eksklusivt og meir inspirerande å strikke med. Eg har lenge hatt lyst til å strikke eit sjal av dette garnet så nå trålar eg nettet for å finne ein enkel sjaloppskrift.
IMG_9863
IMG_9866.JPG
Det er mange flinke damer som fargar garn, eg prøvar stadig vekk å få tak i garn frå Lillerilledesign men det er nesten håplaust. Det er så populært at det blir rive vekk på få minuttar, eg er aldri rask nok til å sikre meg nokre hesper. Eg draumer om å få tak i fargen tulipan eller farmors pute, ein dag så..
IMG_9877.JPG
Det er fyrste gong eg nøstar opp med garnvinde, så koselig syssel. Dette kunne eg gjort dagen lang, lett. Eg prøva å sette guten min i tripp-trapp-stolen sin for at han kunne kikke på, men det var liten interesse enda. Om nokre månedar synes han heilt sikkert at det er like morosamt som sin mor.
IMG_9883.JPG
IMG_9884.JPGVoilà! For eit fargebad, nå skal eg prøve å få lagt opp på pinnane så fort eg finn ein passande oppskrift.

Vårbarn

IMG_9787.JPG
I dag snør det igjen, men det synes eg ikkje gjer nokon ting. Eg bare nyter det vakre vinterlandskapet frå vindauget og kosar meg med kryssord og babybøkar. Nå er det cirka ein månad til termin, og sjølvsagt kjenner eg meg fryktelig spent. Det meste av tida går til å bygge reir, eg er nok inne i ei «babyboble» for tida. Nå som me har fått kjøpt bilstol, vogn og det siste me treng av utstyr så blir det meir ekte og det er utrulig fint. Eg nyter siste delen av graviditeten, og tenkjer at sjølv om det skal bli herlig å få kroppen min tilbake så kjem eg til å sakne det og. For å gå gravid er ganske slitsamt, men eg har og opplevd mykje støtte og gode ord frå andre mødre. Og det er ein utrulig fin ting som betyr mykje!
IMG_9780.JPG
Over til litt strikking. Eg har ikkje strikka så mykje dei siste vekene. Det er nok på grunn av at det er andre ting som blir prioritert, likevel har eg noko å vise fram. Eg har ikkje nokon spesielle strikkeplaner framover, men eg går snart ut i permisjon så eg må ha noko å drive med. Eg har veldig lyst å strikke eit sjal. Me får sjå. Her er i alle fall den vakre snøløvbuksa.
IMG_9783
Denne strikka eg på i månedane før jol og har nok sydd på dei søte Snella og Petronella knappane etter jol. Oppskrifta kjem frå boka Strikk meg av Marianne J. Bjerkman som er @knitsandpieces på Instagram. Det eg likar med denne boka er at den er så grundig og god. Denne oppskrifta er så godt forklart og perfekt passform og praktisk. Strikka i du store alpakka mini sterk som er eit godt garn å strikke av. Bare positivt å sei om dette prosjektet.
IMG_9786
Her har eg strikka heilt vanlige babysokkar, veldig koselig prosjekt. Strikka i Dale babyull. Så små og søte!
IMG_9797IMG_9800
Eg har og blitt ferdig med «Langeland halsrør» Strikka i eit mjukt og fint dansk garn som heiter Tusindfryd Engleuld. Eg bruka opp alt garnet då eg strikka matchande panneband. Eg ser fram til trilleturar med ny hals og panneband. Dette var ein ufo, av ein eller annan grunn, ikkje veit eg, dette gjekk jo fort. Det var alt eg hadde for denne gongen, veldig glad for at eg klarer å bli ferdig med ting. Blir jo så inspirert når eg ser kva andre får til, så eg får prøve å vere flink og strukturert eg og.
IMG_9802
Eg må bare vise fram dette på slutten, for det fins så mykje fint å få kjøpt til dei små. Fekk baby milepæl-kort av ei venninne, det synes eg var så koselig. Eg er så heldig. Det virkar som mint snik seg inn som babyfarge blant blått, rosa og kvitt og det synes eg er så bra. Eg elskar dei fleste grøn-variantane, særlig oliven, støvet mint og skogs-grøn.
Ha ein fin kveld!

Organisering av garn

IMG_9562
Nå er eg skikkelig inne i ryddemodus, etter nokre kapittel av boka Synnøves system så kjenner eg meg gira til å få full oversikt og orden. For det å få baby gjev ein domino-effekt i huset. Mitt kjære hobbyrom skal ryddas vekk til fordel for babysaker og då må eg finne ein god langsiktig løysning på korleis garnet mitt kan lagras fint og ryddig. Resten av hobbysakene mine må eg vurdere etter kor hyppig det blir bruka og korleis eg kan lagre det. Har eg lært ein ting av ryddedamene Synnøve Skarbø og Marie Kondo så er det at ein må rydde etter kategori og ikkje rom, for elles kan det fort bli halvhjerta. Så derfor tek eg føre meg garnlageret mitt fyrst og deretter andre ting. Eg har skrive innlegg om dette tidligare, – og kjem sikkert til å gjere det igjen men her er det førre innlegget om garn-organisering (Ganske nøyaktig eit år sidan).
IMG_9564Eg har garnet mitt lagra jamt over heile huset og i fleire rom, eg ser at det ikkje er så praktisk. Eg har garn i tv-benken, ein full bed-roller med øydelagde hjul, hyller, korger, handlenett og dekorative boksar med garn. Eg merkar at eg har ikkje så god oversikt som eg skulle ynskje. Eg manglar oversikt og system over kva eg faktisk har av garn.
IMG_9577Fyrst måtte eg samle saman alt eg har av garn for å få meg eit overblikk. Eg har ein god miks av alt, effektgarn, merino, ull, til store prosjekt og til små prosjekt. Det er mykje som eg har samla på i mange år og som eg aldri kjem til å sakne om det forsvinn. Derfor fylte eg ein papirpose med restegarn og heile nøste som eg aldri kom til å bruke. Innimellom kjente eg at det gjorde litt vondt, for eg har stor affeksjonsverdi til garnet mitt, men eg var i modus så eg berre haldt fram. Når eg hadde fylt posen med garn så måtte eg bare få det ut av huset med eingong, for av erfaring veit eg at eg kan angre meg litt og ta noko tilbake, sjølv om eg ikkje har planer med det. Eg gav det vekk til SFO, dei blei glade og eg blei letta, så det var heilt klart vinn-vinn. Ana garn som var til genserar og var heilt og fint bestemte eg meg for å prøve å selje, ein låg pris og ti minuttar seinare var det selt. Fantastisk!
IMG_9636Etter å ha kvitta meg med så mykje garn så følte eg meg ganske flink, litt skrekkslagen men flink. Då byrja eg å rydde alt i korgstativ, på den måten er det lett tilgjengelig og godt synlig. Eg organiserte garnet i merinoull, babyull og ull og alpakka. Det eg har spart på er heile nøste, og garn som kan strikkas på pinnestørrelse 2,5  – 4. Eg har allereie lagt opp til ei lita kufte frå lagergarnet og det kjem eg til å halde fram med.
IMG_9625
IMG_9660
Slik blei resultatet etter min ryddesjau, eg er så nøgd med korleis det blei. Enkelt og oversiktelig, og viss eg skal sjå på garn frå ein kategori så er det berre å ta med ei korg og kikke gjennom. Eg elskar det og skal verkeleg gjere alt for at dette systemet ikkje blir øydelagt eller nedprioritert. Fram til eg får min eigen draum oppfylt med eit hobbyrom med innebygde spesiallaga garnhyller og eit stort sybord og alle oppskriftene mine sortert, så brukar eg hjørnet på soverommet mitt til garnlagring. Håpar dette var til inspirasjon!

 

Uforama

Me er berre to veker inn i det nye året og eg har endelig fått ferdig to ufoar som har ligge og irritert meg i lang tid. Eg har nesten ikkje ord for kor godt det kjennes å kunne legge desse genserane vekk og finne fram noko nytt og spennande. Og kva har eg lært av dette? Jo, vere kritisk over prosjekt eg startar på og lese oppskriftar meir nøye. For i alle fall den brune genseren, sukk* den har vore med på å påverka ei strikketørke.
IMG_9597
Her er den fyrste genseren som eg har strikka til mannen min og eg skulle gjerne ha starta på ein enklare genser, men gjort er gjort. Det er Aran-mønstra genser som er henta ifrå KK strikk nr. 2 haust 2016. Garnet er frå gjestal og heiter Bambus Soft, ikkje eit garn som eignar seg til ein varm genser men meir som ein kvardagsgenser. Garnet er ganske glatt, og eg trur mønsteret hadde blitt finare i eit grovare ullgarn. Likevel så er eg ikkje flink til å bytte ut garn frå oppskriftar og brukar stort sett det som står. Eg har litt blanda kjensler til genseren, heilt ærlig, men nestegong skal han få ein meir tradisjonell ullgenser det er sikkert. Eg skal likevel vere stolt av meg sjølv at eg fullførte, ein personlig seier med ein såpass krevjande genser.
IMG_9592

Så til Sondregenseren. Dette var i utgangspunktet ikkje eit så stort prosjekt, handlar meir om manglande disiplin til å fullføre. Når eg tok for meg genseren så var eg ferdig på to kveldar så her kan eg ikkje skulde på nokon andre enn meg sjølv. Den er litt stygt sydd saman under armane og ikkje heilt feilfri, men akkurat nå er eg fornøgd. Den er strikka i størrelse 2 år, så blir ei stund til den blir bruka. Veldig morosamt mønster, ein fryd!
IMG_9602
Så då er eg i gang med ufo-strikkinga, endelig. Det som er det flauaste er kor kort tid det tek, nokre kveldar og vips så er det berre å sy i trådar. Eg er i alle fall utrulig nøgd med alt eg klarer å bli ferdig med og alt eg klarer å bruke opp av garn. Eg kjenner at eg blir meir inspirert og mindre frustrert når det er system. Nå må eg berre halde fram med uforama og ta ein og ein prosjektbag som ligg nede i boden. Der er det både gull og fiasko som har støva ned i lang tid.

Mine nyttårsforsett

Eit nytt år og ein ny start. Dette året blir nok endå eit flott år, kanskje ikkje så travelt som 2017 men minst like bra. I fjor hadde eg nokre strikkenyttårsforsett, men i år vil eg ha ei blanding sidan det er ikkje sikkert at det er strikking som blir høgst prioritert i året som kjem. Eg ser i alle fall fram til å sjå kva dette året vil bringe og vil gjerne ha bloggen med meg vidare.

Mine nyttårsforsett for 2018

– Bli strengare med sløsing. Dette handlar sjølvsagt om økonomi, for her kan eg skjerpe meg utan å lide for mykje. Eg ser at eg sløsar ein del, kjøper garn, magasiner, blomar, har høgt matbudsjett (kan kanskje redusere noko?), interiørnips og andre ting som eg strengt talt ikkje treng. Eg har lett for å la følelsane styre lommeboka og eg ser at små summar blir ein god del over tid. Nå må eg tenkje meir over kva me faktisk treng og har bruk for, tenkje over kva som blir «husfyll» og kva som er nyttig. Sparing blir framleis prioritert, men nå vil eg og spare til ting me kjem til å trenge.IMG_9520

– Rydde meg lykkelig. Eg ynskjer å ha gode system med tanke på ein travel kvardag. Eit godt system for klesvask, ein oversikt over garnet mitt og eit system over barneklede og utstyr. Eg vil bruke opp garn, strikke ferdig ting eg har byrja på og bli meir strukturert når det kjem til hobbyen min. Eg ynskjer ikkje at barneting skal overta heile huset, eg må ha gode oppbevaringsmoglegheiter og pakke vekk ting som ikkje blir bruka. Eg skal kvitte meg med ting, gi bort og hive det eg ikkje treng. Bruke opp matvarer regelmessig  både i frysaren og i tørrvarelageret. Planlegge middagar og ete opp restemat. Rydding gjev meg ein lykkekjensle, for då kjenner eg at kvardagen går som ein leik.
IMG_9524

– Ta ting som det kjem. Eg veit ikkje korleis den nye kvardagen blir med baby og rutinar, men eg tenkjer at det er viktig å ta ting som det kjem. Ikkje ha for høge krav til meg sjølv, sove når eg kan og bare nyte den fine tida. Økonomi og system er viktig for meg, men det viktigaste er familien vår akkurat nå, så då kjem alt ana i andre rekke.
IMG_9516
Kva er dine nyttårsforsett for 2018?

Mine 5 uferdige prosjekt

Det nye året og den siste tida utan barn så vil eg prøve å gjere ferdig nokre prosjekt som bare har ligge her. Prøve å sette i gang med ein ufo i månaden eller noko, innimellom litt ana slik at eg ikkje går lei. Eg har mange uferdige prosjekt og det er ikkje alle eg orkar å konsentrere meg om akkurat nå, eg får ta litt om gongen. Eg har bare lyst til å rydde opp, gjere ferdig og ha meir system i strikketøyet mitt. Eg har valt ut 5 uferdige prosjekt som eg skal konsentrere meg om dette året her.

1. Genseren til mannen min
IMG_9499
Denne genseren falt eg for i KK-strikk og det var vel i grunn eit spontant prosjekt. Eg har lagt den frå meg fleire gonger, vore lei og rekke opp fleire gonger. Endelig i haust felte eg av rundt halsen, men då mannen min skulle prøve den på så var den altfor vid. Så må rekke opp og felle meir, og hanke inn igjen dei maskene som lause under armen. Gjort på ein-to-tre tenkjer du kanskje, men då eg mangla garn så blei heile genseren gløymt. Dette er den fyrste ufoen eg skal ferdigstille i 2018. Denne må eg få ferdig.

2. SondregenserenIMG_9503.JPG
Denne genseren starta eg på for to eller tre år sidan og har blitt rekt opp ein gong fordi eg strikka armane på feil i mønsteret. Mens den andre gongen den blei rekt opp var på grunn av at eg strikka med for liten pinnestørrelse. Slik blir det når ein legg vekk prosjekt, då gløymer ein kva pinnar som blei bruka. Dette er eit overkommelig prosjekt og få ferdigstilt og særlig nå som me får ein gut som kan ha glede av genseren. Så denne genseren skal eg gjere ferdig på nyåret.

3. BladkransvottIMG_9506
Enda eit endelaust prosjekt. Dette hadde eg fyrst tenkt som gåve men nå har eg heilt lagt det frå meg. Eg falt så for mønsteret, men blei ikkje så fornøgd med resultatet derfor har det stoppa opp. Eg har tenkt at eg må tove votten og kanskje den ikkje blir så gale, men akkurat nå har eg lyst til å kaste den i søpla. Framtid er uvisst, eg har ikkje bestemt meg for å ferdigstille eller kvitte meg med prosjektet.

4. Langeland hals frå Tusindfryd
IMG_9509
Denne halsen er eit overkommelig prosjekt. Eg må bare finne oppskrifta og sette meg inn i mønsteret igjen. Det er litt plunder sjølvsagt, ellers hadde det ikkje blitt ein ufo i utgangspunktet. For det er ikkje det enklaste strikketøyet og sitte med på kveldstid for det krev godt ljos og konsentrasjon. Så eg skal ferdigstille det etter kvart og prioritere det når det er meir dagsljos.

5. Enkel cardigan frå Marthe Helgetun
IMG_9512
Denne cardiganen er så flott at den vil eg få til skikkeleg. Eg har ein ana strikkefasthet enn i oppskrifta, så eg må finne ut proposisjonane før eg feller av. Den er mykje større enn det den eigentlig skulle ha vore, men det gjer ingenting så lenge eg har garn. Denne skal og bli prioritert, for den er ikkje så vanskelig å få ferdig.

One more chance to be inspired

Det nærmar seg jol, det er ei fin høgtid som både vekker mykje sorg og glede. Ein minnas dei som ein har mista og kjenner på saknet av dei. Og så gler ein seg over alle dei gode menneska ein har rundt seg, for dei må ein ikkje gløyme. Det blir litt ekstra med kjensler i høgtida, og det er viktig å ta seg tid til å kjenne på.
20171125_103108
20171126_085440.jpg
Eg har starta så smått på jolevask og pyntinga. Eg brukar mange produkt frå C Heyerdahl, og det er mykje på grunn av at det luktar så reint. Eg er så nøgd med desse såpene, og kjøper dei på min lokale gardsbutikk «Siloen».
Det blir enkelt her i år, ljos i glasi og etter kvart nokre nissar, men eg har ikkje nok til å pynte eit heilt hus. Synes det er heilt greitt og ha det litt enkelt. Eg tenkjer at eg har lyst til å lage kransar til å henge ute, men spørs om at det endar med at eg kjøper.
20171126_145451
Eg gjer alt eg kan for å redusere stresset, for denne joli kjenner eg bare at det ikkje går. Bare tanken på alt som skjer i desember gjer at eg gruar meg, eg må bare akseptere at eg kan ikkje vere med på alt. Det er viktig å lytte til seg sjølv og eigne grenser, uansett om ein er gravid eller ei. Det har lett for å bli for mykje og advent skal vere ei hyggelig ventetid. Så eg hentar meg inn der eg kan, kosar meg der eg kan og senkar skuldrane. Eg skal gjere ting som gjev meg energi, slik som her om dagen, då eg og venninna mi lagde Sarah Bernhardt (link for oppskrift). Det er slike ting eg gjerne vil ha tid til, også droppar eg kjøpesenter-stresset og det synes eg er ein fin ting.
20171127_180438

Litt strikke-relatert slik på tampen. Her er buksa som eg strikkar på. Snøløvbukse trur eg den heiter. Eg strikkar den i mini sterk, eit nydelig silkemjukt og tynt garn. Heilt herlig frå fødsel til våren tenkjer eg. Så koselig og strikke så smått, eg nyter det berre. 20171125_154058.jpg
Ein liten sjavfie, nå er eg i 2. trimester og føler at tida går så fort. Eg er så stolt av at det endelig byrjar å synes og det er fint synes eg. Eg kjenner masse spark og full aktivitet der inne så det er veldig koselig.