Eg gledar meg så

20170701_1550261.jpgOm 15 dagar stend eg der, med lort under neglene og ein heilt vedunderleg kjole. Perfekt kan det ikkje bli, men det er heller ikkje meininga. Me har framleis litt og gjere før dagen er her, men det byrjar verkelig og kjennes at me snart er i mål. Sjølv om eg er sliten og min framtidige mann og er det, så kjenner eg meg så lykkelig. Me har nettopp flytta inn på garden og eg skal gifte meg med den snillaste mannen eg kjenner. Eg føler meg så heldig. Tida nå går til rydding på låven, koma på plass i huset og dei seiste detaljane før alt er på plass. Eg kosar meg med førebuingane, og eg gledar meg verkelig til eg sit i den frisørstolen igjen, og korleis eg då vil føle meg. *Det kriblar i magen.
IMG_20170630_134857_843[1]
IMG_20170701_163023_944[1].jpgSnapchat-671654537[1].jpg

Vårreingjering

IMG_9398.pngMars er den fyrste vårmånaden og då synes eg at det er greitt og i alle fall starte på vårreingjeringa. Det kan godt hende at eg er ekstra ivrig i år, sidan eg ventar spent på å snart få flytte inn i vårt nye hus. Eg tenkjer og at viss eg startar nå så blir det lettare når me skal flytte og vaske oss ut frå det vesle huset. Det er nokon ting eg kan gjere nå, mens det er andre ting som eg får ta utover våren. Det er lurt å lage seg ei god liste, som du hukar av etter kvart som du har gjort det.

Forslag om kva som burde inngå i vårreingjeringa:

□ Vaske glasrutene. Fjern spindelvev og lort utvendig og vask glasrutene grundig. Eg brukar ei sprayflaske med eddik til å vaske speglar og ruter, det blir så fint!

□ Vask gardinene og tørk støv av gardinstengene.

□ Reingjer frysaren. Ein frykteleg jobb, i alle fall når ein ser så mykje som er fryseskada og kva som faktisk ligg på botn. Men etterpå føler ein seg heilt fantastisk, for det gjer kvardagen lettare når ein veit kva ein har.

□ Gå igjennom vintergarderoben din og sjekk kva som du ikkje har bruka heile denne sesongen. Gje vekk eller kast klede som ikkje har vore i bruk.

□ Vask og organiser bokhylla. Bokhylla vår er overfylt og det skal derfor ikkje så mykje til før det blir uorganisert.

□ Vask kjøkkenet grundig. Sjekk datoar på tørrvarer, vask i skuffar og skåp. Reins filteret på oppvaskmaskina og vask steikeomnen grundig.

□ Tøm vedomnen for aske. Eg kastar asken i søpla, men eg veit at mange strør asken på snoen for at den skal smelte fortare. Utrulig greitt og gjera etter ein kald vinter.

Etter kvart som ein har gjort eit punkt så hukar ein av, då ser ein framgang og blir motivert av kor koselig det blir når ein tek ein sjau i heimen.

IMG_9399.JPGLukke til!

Ein grøn start

Den fyrste veka i året er straks over, og eg har synes det har vore godt og kome i gang med jobb, trening og kvardagen. Ferie er herlig det og, men strukturen sklir litt ut og det blir litt mykje av alt, så eg blir litt lei.. Ein ny start var det eg trong, for nå må eg bare bli flinkare til å trene, for eg likar det jo når eg fyrst har kome i gang. Då blir sofaen og strikketøyet sett stor pris på etter ei real økt.

Eg treng og lange morgonar, der eg kan strikke, smårydde, høyre på musikk, blogge, skrive lister og drikke kaffi. Om eg har fri eller skal på jobb så treng eg slike morgonar, slike stunder gjer meg inspirert. Då gløymer eg kaoset rundt meg, for ei lita stund. For det blir jo kaos av husbygging, bryllaup og alt ana som ein skal rekke over.
img_9071
Joli er rydda ut og det einaste som stend att er to jolestjerner som ser ut til å trivast godt – så dei skal få stå. Det er så fint å fylle heimen med lettstelte grøne planter, som passar godt til det grøne strikketøyet. Nytrakta kaffi og yoghurtnøttar er ein fantastisk kombinasjon, noko eg rett og slett ikkje kan leva utan.
IMG_9074.JPG
Ha ein framleis fin helg!

Rydd deg lykkelig

IMG_8735.JPG
Til overskrifta. «rydd deg lykkelig» høyres både fornuftig, fristande og tidkrevjande ut. Særlig det sistnemnte når me må ha plass til bikkjebur, krykker til min skada mann, kjøttkvern til elgkjøt, jolegåve-innkjøp og alt ana «rot» som tek stor plass. Me bur litt trongt akkurat nå, og sjølv om eg elskar dette vesle huset så ser eg kor godt det blir med meir lagringsplass, større kjøken og fleire rom. Både for dei som går på fire bein, eitt bein og to bein.

Eg ser for meg at når me flyttar inn i det nye huset så skal det vere system og alt skal ha ein fast plass. På kjøkenet som me har bestilt skal det vere fleire bestikkskuffar, krydder-innsatsar og oppbevaringsboksar. Det blir godt med oppbevaringsplass og eit praktisk og fint kjøken. I matkjellaren blir det eit hyllesystem og fryseskåp. Eg veit at rydding gjev meg ein lykkekjensle, ein får meir oversikt og ro i heimen når alt er sett i system.IMG_8748.JPG
Å lesa om rydding tidlig på morgon er så avslappande med nytrakta kaffi, men så ser eg rundt meg og blir meir eller mindre småstressa over alt som skal gjeras før middagsgjestene kjem. Eg får hive meg rundt og ta med nokre tips på vegen. Ha ein fin sundag!

IMG_8733.JPG

Hus og hage

Hei! Nå er me i full gang med husprosjekt, snekkerane gjer ein fantastisk jobb og me ser forandring frå dag til dag. Det er så moro, dette kjem til å bli så fint og me gleder oss til sluttresultatet. Her er status på huset akkurat nå, riving og skrot. Simba elskar denne delen av prosessen, han er ein skrotnisse som gjerne vil spare på alt. Haha..img_20160917_144936

Det får bli meir husprat når me har kome lengre, akkurat nå er det ikkje så mykje å vise fram. Nå blir det litt hageprat. I sommar blei eg så inspirert då me var i København. Då var me innom kongens hage og sjølvsagt botanisk hage og det var så vakkert der. Eg leitar etter inspirasjon i andre sine hagar, blomsterbutikkar og på nett og kjem til å legge ned ein del arbeid for å få det fint og frodig. Eg ynskjer meg ein hage som er fin heile året, ein hage som både er lettstelt og frodig.
_DSC3002.JPG
20160917_131021DSC_2913 (2).JPG

Til våren vil me mest sannsynleg flytte inn i huset vårt, og då synes eg at det er koselig å ha noko og glede seg til. Derfor har eg sett laukblomar ned i jorda i håp om at det vil blomstre fint til våren.  Eg elskar tulipanar, dei er elegante, takknemlige og fargerike, så eg håpar at dei vil trivast her. Simba har tendensar til å grave i blomsterbed, men me får ta ein vurdering av friheten hans. DSC_2390
_DSC3111.JPG
Eg har pynta opp både brua og mjølkerampa med lyng, det gjer seg så på hausten synes eg. Eg får gå på tur med Simba og Pascal, det er så fint ute i dag. Ha ein framleis fin sundag! 🙂

Simba 1 år

Tenk at det allereie er eitt år sidan vår vesle hund vart fødd. Sidan den gong har han øydelagt fleire par sko, gått laus på potteplaner og stikke av med garnnøste. Det er sjølvsagt nesten uendelig med frustrasjonar å ha valp, men og så mange gleder. Eg kjenner meg heldig og stolt som har han som familiemedlem. For Simba er ein lydig, snill og rolig hund som elskar å vere i sentrum hjå menneske han kjenner men kan bli usikker blant fremmende. Han er elskverdig og oppfører seg av og til som eit lite barn. Pascalpus er sjølvsagt sjefen og sett grenser for han, men dei er bestevenner likevel.

Simba 1 år (7 of 7).jpg
Simba er utrulig glad i mat, og han vil aller helst ha alt det som me et. Sjølvsagt får han ikkje det, det kan skje at han får middagsrestar eller liknande, men stort sett går det i tørrfôr. Når Simba i dag fylte sitt fyrste år, måtte me nesten gjera litt stas på han. Eg kjøpte ei pakke med middagspylser og hang dei opp i treet. Han forsto god tid i førevegen at noko spennande ville skje, trur nok han merka at me var like spente som han.

SITT – BLI – VERSEGOD !

simba-1-ar-6-of-7simba-1-ar-5-of-7simba-1-ar-3-of-7simba-1-ar-2-of-7simba-1-ar-4-of-7
Etterpå var han stappmett, men likevel tok han med seg den siste pylsa heim. Trur han sparte den til kveldsmat. Utrulig moro med bursdag, Gratulerer med dagen Simba vår!

Vakker vårdag

Nye blader i posten, fri på ein fredag og solskin gjer denne dagen ganske så bra. Nå som eg har heldt på å sådd så har eg funnet ut at eg har gjort nokre nybyrjar-feil. Eg har sådd frøa altfor tett, så noko har eg klart å fordele i nye avispapir-potter, mens noko ana må eg prikle som det så fint heiter. Eg er fryktelig spent på om det i det heile tatt blir noko i minikjøkenhagen min, – eg får bare prikle og ordne på så best eg kan.

DSC_2561.JPGDSC_2568.JPGDSC_2564.JPG

Ha ein fin vårdag!

Såtid

Våren er jammen meg ein uføreseieleg tid, i går var det heilt kvitt mens i dag er det sol og ikkje langt i frå å vera bart. Eg ser at krokusane er på veg opp frå blomsterbedet og graset byrjar å bli grønt. Ei herlig tid som ein berre må nyte ved ledige stunder.
DSC_2530
Eg har nokre hageplaner for denne sumaren, ikkje dei aller største på grunn av at me skal ta over garden og vil derfor ha nok å jobbe med framover. Men litt vil eg få til uansett, ein må jo uansett starte i det små. Eg skal planlegge min framtidige hage i grove trekk og stelle med hagen her me bur nå. Eg skal for det meste så i krukker og plante ut nokre laukblomar. Eg skal prøve å lære hunden i huset at han ikkje må la seg freiste til å herje med ein syrinbusk eller leike opp i bedet, før eg investerer i planter og buskar.

Fleire av inne-plantene mine har fått gjennomgått av dei firbeinte ovanfor, så tilvenning av å omgås planter og buskar utan å bruke dei som leike er heilt nødvendig før eg kan starte med heilt dei store prosjekta. I glaskarmen veks det litt av kvart, herlig å sjå at eg får det til. Veldig moro, sjølv om det sikkert er idiotsikkert.

DSC_2527

Palmesondag

DSC_2390

God påske!
Sjølv om eg har fri så vaknar eg tidlig på morgon, eg prøvar å lukke augo litt til men det går ikkje. Eg prøvar å lukke augo igjen, det nyttar ikkje. Eg må bare opp.

Her i heimen er påska i full gang. Lammelåret ligg i frysaren, eg har kjøpt inn til karse og eg skal måle på egg. Eg håpar at det kjem tante – og onkelungar her i påska for då kan ein halde på med litt formingsaktivitetar. Eg må og få med meg litt påskekrim og strikke ein god del. Eg har eit mål å bli ferdig med Yndlingskufta i løpet av påska, har berre armen igjen og det burde gå lett.

DSC_2388

Det kjem fleire innlegg slengjande inn i løpet av påskeferien. Eg vil oppdatere med litt kjøkenhage, DIY, baking og sjølvsagt – Strikking! 🙂

Vår i lufta

Våren er den finaste årstida – synes eg.
Friske fargar, ljosare dagar og meir overskot, eg blir
ekstra inspirert i denne tida. Håpar at det vil merkas på
bloggen.

DSC_2382.JPG
Eg hadde bursdag i veka som var, 25 år – heilt ok. Eg føler meg framleis ung og barnsleg, så merkar ingen endring. Fekk nydelige tulipanar av familie og kollegaer – heldige meg!

DSC_2362Sjå på Pascalguten, så fin han er! 9.Mars blei han 1 år, i følgje katteårkalkulatoren er han 15 katteår. Han er riktig nok ein skikkelig ramp, men me er glade i han til tross for det.

DSC_2385

Denne sundagen får eg middagsgjester, det blir veldig koselig!
Ha ein fin sundag 🙂