Dåpsdagen

DSC_9787Det blei ein utrulig fin feiring på sundag. Ei fin gudsteneste, eit koselig selskap og eit dåpsbarn som tok livet med ro. Det var utrulig koselig å vere i kyrkja igjen, etter bryllaupet vårt for eit knapt år sidan. Eg kjente att nervøsiteten og lykkekjensla, eg var nok like spent som det eg var då. Nokre månadar etter bryllaupet vart me foreldre, eg kjenner meg så heldig og takknemlig. Eg forstend at folk ein møter på sin veg, skildrar småbarnslivet som den lykkeligaste tida i livet, mogleg at det er delte meiningar om dette men me har det verkeleg koselig.

Eg vil dele nokre bilete frå dåpsdagen, og kanskje inspirere andre som skal arrangere dåp. For eg tenkjer at når ein arrangerer selskap, uansett om det er bryllaup eller noko ana så er det fint å skape atmosfære og at ein dekor og ana seier litt om korleis dei som arrangerer er. At det blir eit personlig preg, me likar at det er enkelt og koselig, og sjølvsagt vårlig og friskt!

DSC_9764 (2)
DSC_9763 (2)
Her er eit forslag til enkel borddekking. Markblomar, enkle bordkort som eg har dekorert på sjølv og fine serviettar. Bordkorta er kjøpt på Nille, også utstyr finn ein på hobbybutikkar, då kan ein sette sitt preg på dei. Løparen, som du nesten ikkje ser har eg kjøpt på wish, kanskje ikkje eit knallkjøp men. I alle selskap eg er i, så sparar eg på bordkortet mitt for minne og inspirasjon. Eg samlar på slike ting i ein ask også kikkar eg på det når eg søker inspirasjon og vil mimre.
DSC_9841 (2)Eg synes det er veldig moro med kaker. Å det er veldig greitt og takke ja når folk spør om dei skal bake. Sjølv laga eg dåpskaka, heilt enkelt med ekte vaniljekrem og bringebær. Enkelt og greitt, men neste gong tenkjer eg at eg vil utvide repertoaret mitt, spennande det og, sjølv om eg tenkjer at folk flest likar vanlig marsipankake. Vimpelen med namn er kjøpt på Etsy.
DSC_9844 (2)Uten vaa
Til slutt vil eg dele eit bilete av Magnar i den flotte dåpskjolen. Me hadde ein liten shoot i hagen ein dag og då blei dette eit av bilete. Han ligg oppå eit strikka babyteppe, heilt nydelig med ubehandla færøysk ull. Aldri klamt og varmt, berre lunt og godt for ein liten baby. Håpar nokon blei inspirerte til eigen dåp.

Svangerskapsboka mi

IMG_9993.JPG
Under graviditeten tok eg jamleg bilete av meg sjølv for å dokumentere endringa som skjedde i kroppen. Det er jo ein enorm endring både for kroppen og i sinnet, ein gjer seg klar til å bli mor, det største ein opplever i livet. Eg lagra alle bileta inne på ein gravid-app, og derfor ville eg lage min eigen svangerskapsbok slik at eg framleis kunne ha glede over bileta.
IMG_0002.JPG
Sjølv om boka ikkje er spesielt tjukk så tok det veldig lang tid å lage den, finne bilete, laste opp og redigere boka. Eg vil anbefale å ikkje vente for lenge viss ein tenkjer at ein vil lage sin eigen bok. For ein har jo litt bilete her og der, på Instagram, facebook og graviditets-app som regel. Dessutan gløymer ein og, særlig kanskje i ammetåka (?), eg gjer i alle fall det. IMG_0003.JPG
Dette er dei siste bileta eg har av magen. Eg blir heilt blank i augo av å tenkje på at ei veke seinare kom guten vår til verda. Det er så rart å tenkje på, alt har gått så fort. Eg ser tilbake på graviditeten som ein vakker tid, og dei fine stundene er sjølvsagt det ein hugsar i ettertid. Svangerskapsplager blir gløymt, litt etter litt, sjølv om eg jublar inni meg over kor lett det er å ta på seg sko. Ingen sak, når ein ikkje går gravid!
Me fotograferte ikkje under fødselen, men tok nokre få bilete rett etterpå, dei blir meir private for oss, men er fint å ha med i boka. Fødselen var og ein stor opplevelse, eg følte meg trygg og på ein måte rolig inni meg. Jordmor var fantastisk, så flink til å motivere, så snill og ærlig. Det hadde mykje å sei for meg som var fyrstegongsfødande, eg var i trygge hender. Då guten vår blei lagt opp på brystet, følte eg ein bølgje med følelsar som kom over meg. Eg var så lukkelig!
Ingrid og John Gunnar8
Tilbake til boka. Eg kjem nok til å ha mykje glede av den og er glad når eg kan ha bilete fysisk i ein bok. Eg bestilte min på foto knudsen, og det tok ikkje leng tid før den låg i postkassa mi. Eg har ikkje lyst til å ha alt av bilete på data og telefon, eg blir så lei. Vil prioritere å lage album eller fotobok viss eg har tid til slikt framover.

DIY: Små-oppbevaring

IMG_9715
Hei og god sundag!
Eg har nok litt dilla på boksar, korger og ana småoppbevaring. Eg likar tanken om at alt skal ha ein fast plass, sjølv bindersar og i mitt tilfelle bruka stearinljos skal oppbevaras smart. Det er ikkje slik at alt sjå meg har ein fast plass, tvert imot, men eg er på veg til orden og smart oppbevaring.

Nå skal eg vise fram ein enkel og billig måte, der ein kan lage dekorativ oppbevaring.

IMG_9712.JPG
Du treng: Linjal, blyant, kontaktplast frå panduro, saks, linjal og ein boks.

Klypp til mål og gjer det så nøye som mogleg. Fest på kontaktplasten, dette er litt plunder men ein må berre prøve seg fram. Sett på ein merkelapp eller dekorer med andre ting om du vil.
IMG_9718Kanskje nokon lurar på kva eg skal bruka stearin-stumpane til så skal eg lage tennbrikettar med smelta stearing og konglar. Eg fekk det gode tipset og vil prøve det sjølv i løpet av året. Litt for seint å plukke konglar nå, så det prosjektet får vente på seg.

DIY: Eukalyptus-krans

20171203_143535Denne helga har gått verkeleg fort, føler at eg har gjort så mykje og samtidig vore så sosial. Ja, nokre helger blir slik. I dag har eg rydda og vaska igjen, og hatt middagsgjester, det synes eg er kjempe koselig. Men nå kjenner eg meg klar for avslapping resten av kvelden. I dag lagde eg meg ein superenkel krans og den pyntar så fint opp i heimen, dessutan så luktar den fantastisk. Den er fersk og fin nå, men eg synes at eukalyptus held seg bra når den har tørka og. Så eg håpar at eg kan la den henge ei stund for eg synes rett og slett at den er heilt herlig. Eg hadde eukalyptus i brudebuketten min og, og det var perfeksjon.
20171203_140437
Til kransen treng du ikkje meir enn det eg har på dette bilete, med mindre du vil ha litt meir pynt. Tjukk ståltråd, tynnare og litt mjuk ståltråd, hage-saks, klyppe-sak, tråd og den planten du vil bruke. Det er sikkert fleire måtar og binde ein krans på, men eg gjer det heilt enkelt, eg ser jo at dei som kan det gjer det finare enn meg men eg er fornøgd med asymmetri og at det ser «tilfeldig» ut.
20171203_142656
20171203_143453
Slik blei den! Viss du søker opp # eukalyptuskrans på Instagram så får du opp enda fleire variasjonar. Ha ein framleis fin 1.advent.

Pilea

Akkurat nå er det huset som tek mesteparten av tida, samtidig som eg har vore litt sjuk nå og derfor har det blitt dårlig med oppdatering. Eg steller i blomsterbeda etter vinteren og eg ser at det kjem opp mange laukar, så moro! Eg la jo i blant ana tulipanar i fjor, moro altså!

Nå til overskrifta, Pilea er jo ein populær plante og ha i hus, og ikkje for utan grunn. For den er så lettstelt og veks så fint. Eg ville dele min opp litt, for eg synes att den blei for tett og det gjekk veldig greitt. Dei miste avleggarane har eg hatt oppi vatn og det tok ikkje mange dagane før dei la nye røter. Dei litt større hadde eg rett oppi jord og det gjekk fint.
Eg har ein del igjen, så eg må få gitt bort til nokon fleire ser eg, eg fyller så fort opp glaskarmane av ein eller ana grunn.
_DSC9503
_DSC9506.JPG
_DSC9511.JPG
_DSC9513.JPG
_DSC9516.JPG
Planter og blomar gjer meg så glad, i alle fall dei lettstelte og takknemlige.
Ha ein fin sondag!

Knappar

Knappar vekker nokre barndomsminner sjå meg, nokre små glimt som eg synes er koselig å sjå tilbake på. I den gamle boksen til mamma var det alle slags knappar, treknappar, stoffknappar og i variert mengde. Eg synes alltid at det var så moro når ho tok den fram, det var litt som ei skattekiste. Veldig spennande viss eg fekk lov til å tømme ut på bordet og studere dei ulike og rare knappane. Eg hadde nok synes at det hadde vore like moro i dag som då, men for ein litt ana grunn.

Eg og er nok ein byrjande knappe-samlar, kjøper gjerne med meg litt knappar frå garnbutikken viss eg ser noko som eg har lyst på. Eg lagrar dei i ein te-boks, praktisk og lett å halde oversikt. Her får ikkje Pascal putte labben sin nedi for å sei det slik.

IMG_8751.JPG
Eg som strikkar så mykje brukar ein del knappar, å det blir fort litt dyrt når ein stadig må kjøpe knappar. Dessutan har eg sakna å ha eit lite lager her heime, for då er det fort gjort å finne knappar som passar plagget. Eg bestemte meg derfor å søke rundt på Etsy for å sjå om eg likegodt kunne gjere eit godt knappe-kjøp.
IMG_8759.JPG
Eg var på utkikk etter enkle knappar som ville vera fine til strikkeplagg. Eg synes sjølvsagt at det er treknappar som gjer seg aller best til det føremålet. Eg kjøpte fine treknappar i ulike størrelsar på Heartsupplies, her var det rask levering og fine prisar.
IMG_8763.JPG
Det billigaste er sjølvsagt knappar av plastikk, det kan vere fint på småstrikk og kanskje til ulike hobbyprosjekt. Kjøpte desse knappane frå CartmellCrafts.
IMG_8769.JPG
Nokre andre knappar som eg likar godt er dei frå Snella og Petronella som ein får tak i sjå dei fleste garnbutikkar. Desse er av porselen og har eit bodskap på seg. Desse kostar litt, men eg synes dei gjer seg fint på silkemjukt og eksklusivt garn. Gjerne småstrikk eller innimellom på store plagg.

Håpar dykk fekk nokre tips! Ha ein fin laurdag.

Simba 1 år

Tenk at det allereie er eitt år sidan vår vesle hund vart fødd. Sidan den gong har han øydelagt fleire par sko, gått laus på potteplaner og stikke av med garnnøste. Det er sjølvsagt nesten uendelig med frustrasjonar å ha valp, men og så mange gleder. Eg kjenner meg heldig og stolt som har han som familiemedlem. For Simba er ein lydig, snill og rolig hund som elskar å vere i sentrum hjå menneske han kjenner men kan bli usikker blant fremmende. Han er elskverdig og oppfører seg av og til som eit lite barn. Pascalpus er sjølvsagt sjefen og sett grenser for han, men dei er bestevenner likevel.

Simba 1 år (7 of 7).jpg
Simba er utrulig glad i mat, og han vil aller helst ha alt det som me et. Sjølvsagt får han ikkje det, det kan skje at han får middagsrestar eller liknande, men stort sett går det i tørrfôr. Når Simba i dag fylte sitt fyrste år, måtte me nesten gjera litt stas på han. Eg kjøpte ei pakke med middagspylser og hang dei opp i treet. Han forsto god tid i førevegen at noko spennande ville skje, trur nok han merka at me var like spente som han.

SITT – BLI – VERSEGOD !

simba-1-ar-6-of-7simba-1-ar-5-of-7simba-1-ar-3-of-7simba-1-ar-2-of-7simba-1-ar-4-of-7
Etterpå var han stappmett, men likevel tok han med seg den siste pylsa heim. Trur han sparte den til kveldsmat. Utrulig moro med bursdag, Gratulerer med dagen Simba vår!

Hjarte-krans

DSC_2730.JPG

Lauvet har nettopp sprette her me bur. Det ljosegrøne lauvet viser seg frå sin beste side.
Både naivt og vakkert på sama tid, som om det alltid vil koma solskinsdagar.
Draumen frå i fjor er eit fjernt minne og treet vil bli verdsett igjen. Det er tid for å vise seg fram for våren!

DSC_2722.JPG
Har du lyst til å lage ein krans sjølv er det veldig enkelt. Du treng berre ein tjukk ståltråd som du formar til eit hjarte, ein tynn ståltråd og bjørkeris. Ei tang, hyssing og eventuelt dekorasjon om band eller ana pynt kan vera greitt.

DSC_2715.JPG
Legg bjørka rundt den tjukke ståltråden og surr rundt ståltråd, dander og ordne slik at det blir slik som du vil ha kransen. Fyldig eller tynn som eg har laga.

DSC_2734.JPG
Perfeksjon er ikkje eit omgrep eg kjenner meg att i, synes det er mykje finare når ein ser at noko er heimelaga og kanskje har litt feil og manglar. Eg er nok litt rar slik, men det blir bare enda meir interessant når det ikkje er perfekt.
Ha ein fin dag!

Makrame

Hei og hopp!
Denne bloggposten vil eg bruke til å vise fram litt nytt i heimen. Eg er så heldig som bur ein liten kjøretur unna ein gardsbutikk og der finn eg alltid noko nytt som eg får lyst på. Denne gongen fekk eg med meg heim nokre korger og teljos-halderar.

DSC_2085 (2)DSC_2084 (2)DSC_2093 (2)

Makrameen har eg laga sjølv, søkte på youtube og fant gode instruksjonar, det er ikkje vanskelig men ein må berre vera nøye. Ein kan bruke potter, teljos-halderar, flasker og skåler. Så moro med litt nytt i heimen. Då eg tok inn potteplanta så trudde Pascal at han kunne klatre i den, og då velta heile potta. Eg får vera streng kattemamma nokre dagar og håpe at han mistar interessa for å herje med mine ting.

Lag rustikk jolekrans

DSC_1951 (2)Eg teller ned til jol ved å sjå på Amalies jul i desember, skikkelig nostalgi! Nisseungen finner på nissestrekar, mens Amalie og blomster-Johan kjem nærare kvarandre kvar dag. Dette er gode minner frå barndommen, kvar dag klokka seks var dette fast tid framfor fjernsynet. Eg forstend at dette ikkje fenger ungar i dag, men eg trur eg kjem til å halde på tradisjonen likevel.

Eg har prøva meg på jolekrans i dag, ein rustikk og enkel krans. Dette er mitt fyrste forsøk, men ikkje den siste for dette var moro å lage.
Du treng: Aviser, teip, tynn ståltråd, ulike materialar som mose, kvistar, blomar. Dekor.

DSC_1931
Eg krulla to vesleblad og teipa dei saman, sjå bilete over. Dette er «innmaten» i kransen. Kutt opp kvistar frå grantre i passande størrelsar. Dander kvistane slik at det dekker avisa og surr rundt ståltråden, enten om du let noko henge laust eller om du festar det godt med ståltråd. Spørs litt på kva for uttrykk du ynskjer. Eg bruka ein vissen bukett til å dekorere med roser. Fest det innimellom med ståltråd undervegs. Eg hadde slik gull-dekor som eg har kjøpt på søstrene grene, stikk desse innimellom.

DSC_1937

DSC_1946
Eg ventar spent på om det blir kaldare ute snart, kvit jol stend høgt på ynskjelista! 🙂 Ha ein fin sundagskveld!