Granskuddsirup

God morgon!
I fjor på denne tida var eg heilt imot å ta over garden, det kom ikkje på tale. Eg skulle bu i bustadfelt, ha asfaltveg og gjerne kort veg til ein matbutikk. Det var det eg ynskte meg då, for det var den måten å bu på som eg kjente til. Eg elskar framleis bustadfelt, for det er så mykje liv, barnelatter og ein ser sjølvsagt fleire folk i løpet av ein dag. Det er fordelar og ulemper med begge måtane å bu på, det viktigaste er at ein trivast. Fordelen med å bu meir avsides er at ein har så mykje flott natur rett utanfor døra, alt er så tilgjengelig. Viss ein berre kikkar litt rundt seg så er naturen så rik og allsidig.

20160605_095337
Eg har blitt så glad i naturen etter kvart som eg har budd her, blir like entusiastisk kvar gong eg ser ei maurtuve eller vakre markblomar. Førre veke såg eg både hjort og elg som åt gras på sama jordet, som om det var det mest naturlige i heile verda. Ein får dyreliv og natur så tett innpå seg og eg synes det er så flott. 20160605_101218
Ein ana ting eg likar svært godt er å sanke av naturen, og gjerne kjenne på nye smakar. Eg kom over ein oppskrift på granskuddsirup, dette måtte eg prøve, så spennande. Eg tok med meg korga og reiste ut i skogen for å plukke granskudd. Eg hadde ikkje trudd det, men granskudd har ein fyldig og syrleg smak som er lett å venne seg til. Eg hadde aldri smaka det før, men blei positivt overraska over kor godt det faktisk er. Har laga kyllingmarinade av sirupen og bruka det på dessert. Spennande!

1 liter granskudd
1/2 liter vatn
6 dl sukker

Ha granskudd i ein kjele og hell over vatnet til det dekker granskudda. Kok opp og la det koke i 25 minuttar. Sil av granskuddkrafta. Mål opp og reikn 2 delar sukker og 3 delar væske. Tilsett sukker og kok opp på middels varme, til det tjuknar og byrjar å bli rosa. Ta vekk skum undervegs. Jo lengre du reduserer krafta, jo mørkare blir den.
La den kjøle seg ned før du har sirupen i reine glas og flasker.
DSC_2809
DSC_2816
Ha ein fin dag!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s