DIY: Ny bokhylle

IMG_0110.JPGNå har det vore stille på bloggen ei stund, eg har heldt på med syltetøylaging, saft og den vesle babyen min. Det kan vere travelt nok det og. Nå er babyen vår 4 månadar og me merkar endring frå dag til dag, det er så spennande. Nå merkar me at han vil ting, og kan sei ifrå viss livet ikkje er heilt tilfredstillande. Det er ein god start. Eg legg ved eit bilete av den søte buksa og fine bodyen, synes det er heilt topp at grønt er moderne og eg meiner at det er unisex, for begge kjønn. Men nok om det. IMG_0076
Eg og mannen min har lenge snakka om at me må kjøpe oss ei bokhylle, for i kjellaren har det stått fleire kasser med bøkar og det er så trist. Me har ikkje funnet noko som har passa inn og heller ikkje prioritert det økonomisk heller, så bøkane våre har berre fått støva ned. Men her om dagen fekk mannen min ein ide om å bygge ei heilt enkel, midlertidig bokhylle. Nokre timar med bråk ifrå garasjen, så ville han ha hjelp til å få inn det nye møbelet vårt.
IMG_0122
.. Og slik såg det ut. Eg blei utrulig imponert, solid og rustikk, og enkelt. Eg synes det passa utrulig godt inn i den vesle kroken min. Det er så godt å få omtrent alle bøkane opp i stua. Når eg ser rundt i huset er det meste kjøpt bruka, eller laga sjølv, det gjev ein lun og personleg stil synes eg. Eg er i alle fall kjempe fornøgd, her kan eg strikke eller lese og berre kose meg i rolige stunder. Me bur oss framleis inn, det vil ta lang tid før me er heilt ferdige, men det hjelper seg.
IMG_0127
Det einaste som manglar i kroken min er nokre bilete på veggen og eit lite rundt teppe. Det trur eg kan bli fint. Det kjem i alle fall eit til DIY innlegg snart. Ha ein flott kveld.

Dåpsdagen

DSC_9787Det blei ein utrulig fin feiring på sundag. Ei fin gudsteneste, eit koselig selskap og eit dåpsbarn som tok livet med ro. Det var utrulig koselig å vere i kyrkja igjen, etter bryllaupet vårt for eit knapt år sidan. Eg kjente att nervøsiteten og lykkekjensla, eg var nok like spent som det eg var då. Nokre månadar etter bryllaupet vart me foreldre, eg kjenner meg så heldig og takknemlig. Eg forstend at folk ein møter på sin veg, skildrar småbarnslivet som den lykkeligaste tida i livet, mogleg at det er delte meiningar om dette men me har det verkeleg koselig.

Eg vil dele nokre bilete frå dåpsdagen, og kanskje inspirere andre som skal arrangere dåp. For eg tenkjer at når ein arrangerer selskap, uansett om det er bryllaup eller noko ana så er det fint å skape atmosfære og at ein dekor og ana seier litt om korleis dei som arrangerer er. At det blir eit personlig preg, me likar at det er enkelt og koselig, og sjølvsagt vårlig og friskt!

DSC_9764 (2)
DSC_9763 (2)
Her er eit forslag til enkel borddekking. Markblomar, enkle bordkort som eg har dekorert på sjølv og fine serviettar. Bordkorta er kjøpt på Nille, også utstyr finn ein på hobbybutikkar, då kan ein sette sitt preg på dei. Løparen, som du nesten ikkje ser har eg kjøpt på wish, kanskje ikkje eit knallkjøp men. I alle selskap eg er i, så sparar eg på bordkortet mitt for minne og inspirasjon. Eg samlar på slike ting i ein ask også kikkar eg på det når eg søker inspirasjon og vil mimre.
DSC_9841 (2)Eg synes det er veldig moro med kaker. Å det er veldig greitt og takke ja når folk spør om dei skal bake. Sjølv laga eg dåpskaka, heilt enkelt med ekte vaniljekrem og bringebær. Enkelt og greitt, men neste gong tenkjer eg at eg vil utvide repertoaret mitt, spennande det og, sjølv om eg tenkjer at folk flest likar vanlig marsipankake. Vimpelen med namn er kjøpt på Etsy.
DSC_9844 (2)Uten vaa
Til slutt vil eg dele eit bilete av Magnar i den flotte dåpskjolen. Me hadde ein liten shoot i hagen ein dag og då blei dette eit av bilete. Han ligg oppå eit strikka babyteppe, heilt nydelig med ubehandla færøysk ull. Aldri klamt og varmt, berre lunt og godt for ein liten baby. Håpar nokon blei inspirerte til eigen dåp.

Dåpsførebuing

Hei! Då var 17.Mai over for i år. Stress på morgonen for å rekke toget, nokre gnagsår og kanskje litt ugod i magen etter mykje kake og kaffi – men vel verdt det! For så koselig det er å bu i ei lita bygd på ein dag som dette, heilt perfekt! Eg legg ved nokre bilete av Lårdal.

32821415_10155270646305836_4344681538156232704_n.jpg32855166_10155270646340836_5854097160965980160_n.jpg
Nå hiv me oss rundt og gjer oss klare for neste feiring, nemlig dåpen til guten vår. Eg er så spent og ser så fram til denne dagen. Eg har heldt på ei god beite med planlegging, og det sparar oss nok for ein del stress, men likevel er det mykje som må gjeras rett før. IMG_0099
IMG_0038
IMG_0102IMG_0093IMG_0101
Eg har gått for mint-farge som pynt, men det blir uansett litt miks av fargar, eg er jo ikkje så nøye på å matche uansett. Babyblått er jo utrulig søtt det og, men eg kjenner at eg trekker mest mot grønt desse dagar.

Dåpskjolen er noko av det finaste eg har sett. Det er min mamma som har sydd den og eg synes at den er heilt fantastisk vakker. Den er i mine auger heilt perfekt. Ikkje for mykje dill og dall, men stilrein og tidlaus. Eg er så nøgd med denne kjolen, og ser så fram til å kle vesle Magnar opp i den. Det kjem bilete frå dåpen etterpå reiknar eg med. Nå får eg hive meg rundt og bake og styre på! Ha ein flott dag!

 

New York -ostekake

Hei.
Nå vil eg dele ein kjempegod ostekake-oppskrift, lett og fyldig på same tid. Den smeltar på tunga og er avhengigskapande, guilty pleasure med andre ord. Eg var på ein cafè for nokre år sidan og der såg eg at dei hadde stekt ostekake, den var heilt nydelig og smaken sette seg i minnet. Det er ikkje så vanlig med stekt ostekake her i landet, eg har ikkje kome over det seinare nokon stad. Denne oppskriften er henta frå bakeboka the hummingsbird bakery, og er ein av mine favoritt bakebøkar.
IMG_0031
Du treng:
900 gram kremost
190 gram sukker
1 ts vanilje
4 egg

Botn:
140 gram kveitemjøl
1/4 ts bakepulver
50 gram sukker
50 gram smør
1 eggeplomme

Springform 23 cm med bakepapir i botn.

Forvarm omnen til 150 grader.
IMG_0015
Bruk ein kjøkenmaskin, tilsett alt utenom eggeplomma og kjør til ein sandaktig konsistens. Ha i eggeplomma og kjør til den er blanda inn ( Eg tok heile egget, åh.. ammetåka). IMG_0020
Fordel blandinga i kakeforma og press den jamt og tett saman. Steik i 20 – 25 minuttar og avkjøl.
IMG_0021
Tilsett kremost, sukker og vanilje(-sukker, ekstrakt, essens .. ) i ein bakebolle og kjør på låg hastighet til det er blanda saman. Tilsett eit egg om gongen, ikkje bland saman for lenge berre til blandinga er glatt og kremete.
IMG_0024
Pakk aluminiumsfolie rundt forma, ha den i ein djup langpanne og fyll med vatn så 2/3 av forma er dekka. Steik på sama temperatur 30 – 40 minuttar til kaka eg gylden og framleis skjelven i midten. La ostekaka avkjølas i forma og la den stå i kjøleskåp natta over. (Eg gjorde ikkje dette heller, eg bare stekte den på 150 grader i 35 minuttar, det gjekk fint for meg)IMG_0025IMG_0029Eg tenkjer at denne passar perfekt til 17. mai, litt bringebær og blåbær inntil – deilig!
Denne kjem eg til å bake fleire gonger, hadde vore spennande og eksperimentert litt med rømme og kanskje ein drope sitron.

Svangerskapsboka mi

IMG_9993.JPG
Under graviditeten tok eg jamleg bilete av meg sjølv for å dokumentere endringa som skjedde i kroppen. Det er jo ein enorm endring både for kroppen og i sinnet, ein gjer seg klar til å bli mor, det største ein opplever i livet. Eg lagra alle bileta inne på ein gravid-app, og derfor ville eg lage min eigen svangerskapsbok slik at eg framleis kunne ha glede over bileta.
IMG_0002.JPG
Sjølv om boka ikkje er spesielt tjukk så tok det veldig lang tid å lage den, finne bilete, laste opp og redigere boka. Eg vil anbefale å ikkje vente for lenge viss ein tenkjer at ein vil lage sin eigen bok. For ein har jo litt bilete her og der, på Instagram, facebook og graviditets-app som regel. Dessutan gløymer ein og, særlig kanskje i ammetåka (?), eg gjer i alle fall det. IMG_0003.JPG
Dette er dei siste bileta eg har av magen. Eg blir heilt blank i augo av å tenkje på at ei veke seinare kom guten vår til verda. Det er så rart å tenkje på, alt har gått så fort. Eg ser tilbake på graviditeten som ein vakker tid, og dei fine stundene er sjølvsagt det ein hugsar i ettertid. Svangerskapsplager blir gløymt, litt etter litt, sjølv om eg jublar inni meg over kor lett det er å ta på seg sko. Ingen sak, når ein ikkje går gravid!
Me fotograferte ikkje under fødselen, men tok nokre få bilete rett etterpå, dei blir meir private for oss, men er fint å ha med i boka. Fødselen var og ein stor opplevelse, eg følte meg trygg og på ein måte rolig inni meg. Jordmor var fantastisk, så flink til å motivere, så snill og ærlig. Det hadde mykje å sei for meg som var fyrstegongsfødande, eg var i trygge hender. Då guten vår blei lagt opp på brystet, følte eg ein bølgje med følelsar som kom over meg. Eg var så lukkelig!
Ingrid og John Gunnar8
Tilbake til boka. Eg kjem nok til å ha mykje glede av den og er glad når eg kan ha bilete fysisk i ein bok. Eg bestilte min på foto knudsen, og det tok ikkje leng tid før den låg i postkassa mi. Eg har ikkje lyst til å ha alt av bilete på data og telefon, eg blir så lei. Vil prioritere å lage album eller fotobok viss eg har tid til slikt framover.

Såtid

 

IMG_9989.JPGIMG_9945.JPGEg har smått byrja på å tenkje og planlegge hagen til sommaren. Akkurat som i fjor så tenkjer eg å ha lågt ambisjonsnivå, sjå om ripsbusken min har klart seg over vinteren og stelle til det me ikkje rakk i fjor. Eg satsar på krukker, men vil gjerne og teste ut kva ana som kan trivast her. Eg har jo fine staudebed, om eg skal utvide eller berre vedlikehalde er eg usikker på.
IMG_9935.JPG
Når eg kikkar på fine hage-program blir eg så freista til å opparbeide ein frodig og flott hage, med steinheller, prydebuskar og flott kjøkenhage. Alt dette er ikkje gjort over ein sesong, det er eit livsprosjekt! Ein ser jo at desse med flotte hagar, dei lev og ånder for hagen sin, men dei har og feila mange, mange gonger. Eit tips eg fekk av nokon når ein skal finne ut kva som trivast i området ein bur er å sjå kva naboane har for planter, då får ein peikepinn på kva som kan gå. Eg synes i alle fall at hagen er verdt og slite for, ein får så igjen for det når det er blomstringstid.

Eg sådde og kattegras, det var veldig populært for Pascal. Nå treng han ikkje ete på dei andre plantene mine. Dei gale har det godt! Ha ei fin veke!

Organisering: Strikkepinnar

Eg er alltid på utkikk etter praktisk oppbevaring for hobbysakene mine, mykje blir lagra i gjennomsiktige plastboksar eller prosjektbager. Men når ein skal halde det vedlike så er ein nødt til å rydde i det regelmessig, for rot blir det uansett. Denne gongen vil eg vise fram korleis eg held orden i strikkepinnane mine, dette er eit heilt greitt system fram til eg finn noko betre.
20180407_104955.jpg
20180407_113301.jpg
Settpinnar / strømpepinnar. Her har eg berre samla sett på fem pinnar i kvar gummistrikk. Brukar ein Anton Berg – boks og må leite fram det eg skal ha. Eg ynskjer meg enten eit mappesystem med lommer eller ein boks med inndeling, ser for meg at det er mykje meir praktisk og lettvint.
20180407_113650.jpgRundpinnar. Her brukar eg Namaste-organsierar som er brukarvennlig og fin. Desse finnes i ulike størrelsar og fargar. Det som er negativt er at ein ikkje får plass til tjukke strikkepinnar og at lommene er opne under slik at rundpinnane nokre gonger dett ut.
20180407_113710

Hadde eg hatt masse plass på hobbyrommet/babyrommet mitt så skulle eg laga eit system som dette. Både estetisk vakkert og praktisk, dette såg ut som ein skikkelig arbeidsbenk. Viss du vil sjekke ut steg for steg er linken her. Virkelig imponerande, dette må vere det alle strikkerar ynskjer seg.
circularneedlerack.jpg

Om ein vil vere ekstra organisert. Då kan ein registrere det ein har i ravlery.com. Dette er meir tidkrevjande, men viss ein er flink til å bruke strikke- og heklesamfunnet så er det genialt. Då kan ein legge inn størrelse og kva ein har av settpinnar og rundpinnar og halde oversikt slik. Når ein startar på eit nytt prosjekt så kan ein legge inn kva for strikkepinnar ein brukar og då veit ein kva som er ledig. Det er veldig nerdete, men utrulig praktisk og greit!

Korleis oppbevarar du strikkepinnane dine?

Heimelaga müsli

Hei! For ei nydelig påske det har vore, skyfri himmel og mange fine trilleturar med guten vår og firbeinte. Våren kviskrar oss i øyra, me let oss rive med – finn fram lettare klede og fantaserar om rosèvin på verandaen. Me ynskjer oss fuglekvitter og bare vegar, gjerne rett over nyttår – som om me ikkje vil innsjå kvar me bur. Snapchat-860021510[1].jpg
Vårteikn frå Telemark. 

Er det ein ting eg har lært gjennom desse fem vekene som nybakt mor, så er det at eg ikkje kan ete kake, sjokolade og godteri kvar gong eg får besøk. Det går berre ikkje når ein har såpass mykje gjester som me har hatt. Eg kjenner meg motivert for å koma igang med aktivitet og sunne, normale vaner. Når eg er på helsestasjonen, på barseltreff og liknande treng rask energi, så derfor tenkte eg lage litt snacks som eg kan ta med meg og ete viss eg blir svolten eller viss søtsuget melder seg.
IMG_9951
Dette treng du:  4 ss honning, 2 1/2 ss ljos sirup, 2 1/2 dl nøytral olje, 2 ss vaniljesukker, 400 g havregryn, 75 g sesamfrø, 75 g solsikkekjerner, 75 g gresskarkjerner, 100 g mandlar, 100 g valnøttar, 100 g kokos. (200 g rosiner eller tranebær)
IMG_9972
Smelt honning, sirup og vaniljesukker, bland saman alt det tørre utanom kokos og rosiner/tranebær saman med olje og den søte blandinga. Fordel müsli-blandinga på steikebrett og steik på varmluft 180 grader i 15 minuttar, vend det nokre gonger og steik til det er gyllent. Tilsett kokos og eventuelt rosiner/tranebær og steik vidare i 10 minuttar, eller til det er så godt steikt som du likar det. La det avkjøle seg og ha på ein tett beholder.
IMG_9973.JPGIMG_9981.JPG

Server med tyrkisk yoghurt, bær eller syltetøy.

Påskestrikk

IMG_9898.JPGHei og god påske.
Sjølv om eg er i permisjon så får eg litt feriekjensle, for påske er den aller beste høgtida synes eg. Ein slepp unna gåve-stress og kjøpesenter, og får masse krim og fine dagar ute. Planen for påska er i alle fall og gå på trilleturar og nyte familielivet, og gjere alt for å unngå stress og mas. IMG_9901.JPG

Dagane går sjølvsagt helst til baby-relaterte ting, men mellom slaga får eg tid til å strikke litt. Nå har eg lagt opp til eit stort og fint sjal som heiter Line Break Shawl (søk det opp på ravlery). Fyrst tenkte eg at oppskrift på engelsk blei for vanskelig for meg, men så etter å ha sett litt nærare på oppskrifta fant eg ut at det var overkommelig. Det er i alle fall overkommelig for meg som er i ammetåka så då er det håp for dei fleste. Garnet synes eg er heilt nydelig og garnbyttene ser ut til at det glir i kvarandre, eg er så fornøgd med dette prosjektet. Eg ser så fram til å få eit fargerikt og stort sjal. Meir oppdatering kjem seinare.

IMG_9924.JPG
IMG_9926IMG_9927

Vår i lufta

Nå som våren er her for fullt så har eg ikkje lyst til å strikke krevjande og tunge plagg. Nå vil eg halde på med friske fargar og lette kvalitetar. Eg visste med eingong kva garn eg ville strikke med – nemlig Madevik Yarns som eg har kjøpt på Etsy. Håndfarga garn synes eg er heilt herlig, det er meir eksklusivt og meir inspirerande å strikke med. Eg har lenge hatt lyst til å strikke eit sjal av dette garnet så nå trålar eg nettet for å finne ein enkel sjaloppskrift.
IMG_9863
IMG_9866.JPG
Det er mange flinke damer som fargar garn, eg prøvar stadig vekk å få tak i garn frå Lillerilledesign men det er nesten håplaust. Det er så populært at det blir rive vekk på få minuttar, eg er aldri rask nok til å sikre meg nokre hesper. Eg draumer om å få tak i fargen tulipan eller farmors pute, ein dag så..
IMG_9877.JPG
Det er fyrste gong eg nøstar opp med garnvinde, så koselig syssel. Dette kunne eg gjort dagen lang, lett. Eg prøva å sette guten min i tripp-trapp-stolen sin for at han kunne kikke på, men det var liten interesse enda. Om nokre månedar synes han heilt sikkert at det er like morosamt som sin mor.
IMG_9883.JPG
IMG_9884.JPGVoilà! For eit fargebad, nå skal eg prøve å få lagt opp på pinnane så fort eg finn ein passande oppskrift.